2 PATTOTTORANG 9:6 - KITTA' MATANGKASA'

⁶ Riolo tena kukkulle tappa', mingka battukumo mae siagang kalengku ancini' kabusuki, nampama' tappa' tojeng-tojeng. Sikontutojenna tenapa nattawa rua jaina anjo apa kulangngereka battu ri anne kucinika ri kamma-kammaya anne. Ma'nassa anjo kacara'dekanta siagang kakalumanynyanganta la'bi lompoangangi na anjo kabara' kulangngereka.

2 PATTOTTORANG 9:6 ပူးပေါင်းရင်းမြစ်များ

1 KARAENG-KARAENG 10:7

Riolo tena kukkulle tappa', mingka battukumo mae siagang kusa'bikang ngasemmi sikammaya anjo siagang mata kalengku, nampama' a'jari tappa'. Sikontutojenna sikontu anjo apa le'baka kulangngere' tenapa natawaruanna battu ri anjo apa kucinika kamma-kamma anne. Ma'nassana bella jaina anjo pangngassenganta siagang kakalumanynyanganta naia anjo kabara' nipabattua mae ri nakke.

1 KARAENG-KARAENG 4:31

Ia tojeng-tojemmi kaminang cara'de' battu ri sikontu taua. La'biangngangi na Etan anjo tu Ezrahi, Heman, Kalkol siagang Darda ana'-ana'na Mahol. Alla'bangi niasseng ri kere-keremae ri sikontu pa'rasangang niaka ri tammulilina kakaraenganna.

1 KARAENG-KARAENG 4:34

Sikamma karaenga ri sikontu linoa nalangngere'mi kabara'na passala'na anjo kacara'dekanna Salomo, sa'genna akkirimmo tau ke'nanga untu' mange ampilangngeri.

2 PATTOTTORANG 9:5

Jari nakanamo ri Karaeng Salomo, “Sikontu anjo kabara' kulangngereka ri pa'rasangangku ri passala'na ikatte siagang kacara'dekanta memang kammatojengi.

2 PATTOTTORANG 9:7

Teai sipato' upa'na ngaseng pagawe-pagawe allayaniaki' siagang tuli anjamaya untu' ikatte sa'genna akkulle nalangngere' battu ri katte kalenta sikontu pangngajarang bajika!

PAMMUJI 31:19

Kitongkoki bawana tu paballe-ballea tu borroa ancau-caui tu lambusuka.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

1 KORINTUS 2:9

Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.