2 PATTOTTORANG 9:4 - KITTA' MATANGKASA'

⁴ antekamma atoro'na jama-jamanna pagawe-pagawena balla' karaenga, siagang pakeanna kammayatompa balla'na ngaseng ke'nanga. Naciniki kanre nipatalaya, siagang pakeanna sikamma palayang allayaniai ke'nanga; naciniki koro'bang-koro'bang napassareanga Salomo ri Balla'Na Batara. Yangasenna anjo napakalannasaki pa'mai'na anjo ratu battua ri pa'rasangang Syeba napakamma.

2 PATTOTTORANG 9:4 ပူးပေါင်းရင်းမြစ်များ

1 KARAENG-KARAENG 10:5

cara-carana pagawena anjama-jama ri balla' kakaraenganga, pakeang sirupana ke'nanga, kammayatompa pa'ballakanna ke'nanga. Naciniki kanrea siagang je'ne' inung nipatalaya, cara-carana palayanga allayani ri passua'-suarranga, siagang koro'bang-koro'bang nipassareanga ri Salomo lalang ri Balla'Na Batara. Yangasenna anjo napakalannasa'mi siagang takkonta'mi nyawana anjo karaeng bainea battua ri pa'rasangang Syeba anciniki.

1 KARAENG-KARAENG 5:2

Nampa akkiring tommo Salomo tunisuro mange ri Hiram siagang appasang angkana,

1 KARAENG-KARAENG 5:3

“Karaeng Hiram mala'birika! Tantu kiassengi angkanaya manggeku tuli tarpassa a'bunduki lanri battui musua ambunduki, iamintu battua ri pa'rasangang niaka ri tammulilina ikambe. Na lanri tenapa nisarei ri Batara untu' ambeta ngasengi musunna, tenapa nasawe ambangung tampa' sambayang mange ri Karaeng Allata'alana.

2 KARAENG-KARAENG 16:18

Nampa lanri ero'na naalle pa'mai'na karaeng Asyur, nabongkaraki kantoro'na karaenga ri Balla'Na Batara, siagang natongko' pakke'bu' oloanna karaenga.

1 PATTOTTORANG 9:18

Sa'genna anne alloa battu ri bija-bijannami anne ke'nanga nisare tugasa' anjagai Pakke'bu' Lompona Karaenga ri bageang rayaya. Riolo bija-bijanna ke'nanga nisarei tugasa' anjagai sikamma pakke'bu' lompo mangea ri pa'ballakkanna tu Lewi.

2 PATTOTTORANG 23:13

Naciniki anjo karaeng berua ammenteng ri pakke'bu' antamaya ri Balla'Na Batara, ri tampa'na nilanti' a'jari karaeng, nitammulili ri perwira-perwiraya siagang tau appasa'raya tarompe'. Sikontu ra'yaka akkio' rannu kabusuki nirurungang ri sa'ra tarompe' siagang ri pakarena musi' niaka ri Balla'Na Batara, untu' ampakasuaraki anjo gau' lompoa siagang pakkakasa' musi'na ke'nanga. Lussa'mi Atalya siagang nakae-kaemi pakeanna, nampa ammarrang angkana, “Pasikongkolang! Pasikongkolang!”

2 PATTOTTORANG 9:3

Kalenna anjo ratua ansa'bi antekamma cara'de'na Salomo. Naciniki balla' karaeng nabangunga Salomo,

2 PATTOTTORANG 9:5

Jari nakanamo ri Karaeng Salomo, “Sikontu anjo kabara' kulangngereka ri pa'rasangangku ri passala'na ikatte siagang kacara'dekanta memang kammatojengi.

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

PAMMUJI 119:81

Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 143:7

Kipialia' linta', o, Batara, saba' tappu' minasama'. TeaKi' accokkoi battu ri nakke, sollanna tena nakusangkamma tau naungamo ri lino kamateanga.

PANGNGEBARANG 9:5

“Umba nanipinyamangngi kanreku siagang nukasia' anggoro' kupareka.

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

YEHEZKIEL 44:3

Mingka pamarenta anna'galaka koasa akkullei a'lampa mange ri anjo pakke'bu' lompoa untu' angkanrei kanre matangkasaka ri dallekangKu. Musti antamaki angngolo ri kamara' lompoa siagang punna ammotereki ia todong anjo naolo.”

YEHEZKIEL 46:2

Ri anjo allo-allo kammaya patugasaka musti antamaki battu ri paranglakkeng bageang pantarang angngolo ri kamara' lompoa nampa ammenteng ri sa'rinna pakke'bu' lompoa, lalang assarena koro'bang sikamma imanga, iamintu koro'bang nitunu siagang koro'bang passiamakkang battu ri sikamma patugasaka. Anjoreng ri pakke'bu' lompoa musti su'juki siagang anynyomba ri Batara, nampa a'lampa. Nampa takkullea nitongko' anjo pakke'bu' lompoa sa'genna bangngi.

DANIEL 10:17

Sanrapanga' ata ammentenga ri dallekanna karaenna. Antekamma bateku la'bicara mae ri katte? Tenamo kagassingangku siagang kusawala'mi a'maika.”

MATIUS 6:29

u'rangi sai antekamma kalumanynyanna anjo Karaeng Salomo, mingka tenapa nabajikangang pakeanna naanjo bunga-bungaya!

LUKAS 12:37

Teai sipato' upa'na ngaseng palayang-palayang nirapikanga sadia attayang ri wattunna battu karaenna. Patappa'mi angkanaya: lasadiai anjo karaenga assuroi anjo palayang-palayanga ammempo, nampa nasuro layani kalenna anjo karaenga.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

PAPPICINI' 3:20

Ciniki! NiakKa' ammenteng ri dallekang pakke'bu' siagang akkatto' pakke'bu'. Punna nia' allangngereki sa'rangKu, nanasungkeangA' pakke'bu', lantamakKa' ambuntuli; lasipangnganreangA' siagang ia, siagang lasipangnganreangi siagang iNakke.