2 PATTOTTORANG 8:6 - KITTA' MATANGKASA'

⁶ Kammayatompa nabangungi ammotere' kota Baalat, siagang sikontu kota pammolikang apa-apaya, kammayatompa pammantanganna kareta bunduka siagang jaranna. Sikontu rancana pambangunanna ri Yerusalem, ri Libanon siagang ri sikontu daera kakoasanna le'ba' kabusu'mi napa'le'ba'.

2 PATTOTTORANG 8:6 ပူးပေါင်းရင်းမြစ်များ

1 KARAENG-KARAENG 10:26

Appaentemmi Salomo pasukang tantara, iamintu 1.400 kareta pa'bundukang siagang 12.000 tantara a'jarang. Sipa'gang natampakkangi ri Yerusalem na la'binnaya napamangei ri a'rupa-rupa kota maraeng.

1 KARAENG-KARAENG 7:2

Ri anjo balla' kakaraenganna Salomo, appare' tommi kamara' niarenga “Kamara' Romang Libanon”. Ukkuranna iamintu: la'buna 44 metere', sangkara'na 22 metere', siagang tinggina 13,5 metere'. Anjo kamaraka ammakei tallung barrisi' benteng battu ri kayu camara Libanon; massing-massing barrisi'na nia' sampulo allima benteng siagang irateanna nibonei pannahang-pannahang battu ri kayu camara Libanon. Palaponna iamintu battu ri kayu camara Libanon tonji siagang natongkoki anjo kayu-kayu pannahanga.

1 KARAENG-KARAENG 9:1

Le'baki nabangung Salomo Balla'Na Batara siagang balla' kakaraenganga kammayatompa sikontu apa le'baka narancana,

2 PATTOTTORANG 1:14

Napassangkaki tantarana siagang 1.400 kareta bundu' siagang 12.000 jarang pa'bundukang. Nia' sipa'gang naboli' ri Yerusalem, na pantarangannaya ri kota-kota maraengannaya.

2 PATTOTTORANG 17:12

Kammami anjo napila' sallo pila' lompoi kakoasanna Karaeng Yosafat. Ri sikontu Yehuda ambangungi jai pattahangngang siagang kota-kota pammolikang bokong.

2 PATTOTTORANG 8:4

kammayatompa napakajarreki kota Tadmor ri parang lompoa, nampa nabangung ammotere' sikontu passe'reanna pammolikang kaparalluanga ri Hamat.

2 PATTOTTORANG 8:5

Kota Bet-Horon-Ratea siagang Bet-Horon-Rawaya nabangungi ammotere' a'jari kota nia' tembo' pattahanganna siagang ammake panjoli lompo pakke'bu' lompona.

2 PATTOTTORANG 8:7

Sikontu jari-jarina bansa Kanaan tenaya nakkulle la'busu' nibuno ri tu Israel ri wattunna napantamakki ke'nanga anjo pa'rasanganga, napagio' ngasengi Salomo untu' anjama terasa'. Ia ke'nanga iamintu tu Het, Amori, Feris, Hewi siagang Yebus. Sa'genna kamma-kamma anne tuli a'jari atana anjo jari-jarina ke'nanga.

KATO'BA 2:4

Sikamma jama-jamang lompoa le'ba'mi kugaukang. Ambangunga' siapa jaina balla' untu' kalengku. Appareka' pa'lamung-lamungang bunga siagang koko-koko kulamungia poko' anggoro' siagang sangka' rupa poko' rappo-rappoang.

KELONG MALA'BIRI' 4:8

Umba kinaung battu ri Libanon, buntingku, umba kinaung battu ri Libanon. Naungko battu ri coppo'na Amana, battu ri coppo'na Senir siagang Hermon, tampa' pammantanganna macanga siagang singaya.

YOSUA 19:44

Elteke, Gibeton, Baalat,