2 PATTOTTORANG 7:9 - KITTA' MATANGKASA'

⁹ Tuju alloi ke'nanga a'rappung untu' upacara niresmikanna tampa' pakkoro'bangnganNa Batara, nampa tuju allo pole untu' ansuarri Allo Lompo Pa'ballakang Leko'-lekoka. Ri allo kala'busanna nigaukammi kasuarrang pannongko'na anjo upacaraya,

2 PATTOTTORANG 7:9 ပူးပေါင်းရင်းမြစ်များ

1 KARAENG-KARAENG 8:2

Jari battu ngasemmi ke'nanga ri Allo Lompo Pa'ballakang Leko'-leloka, lalang ri bulang Etanim.

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

2 PATTOTTORANG 30:23

natappukimi ke'nanga untu' ansambungi pole anjo passua'-suarranga 7 allo pole sallona. Jari natambaimi pole nagaukang ke'nanga anjo passua'-suarranga, narannu ngaseng nyawana.

2 PATTOTTORANG 7:10

nampa ammukona ri tanggala' 23 bulang 7, nasuromi Salomo ammotere' anjo taua. Rannu kabusuki taua mae ri anjo sikontu kabajikang Nagaukanga Batara mae ri bansa Israel umma'Na, mae ri Daud, kammayatompa mae ri Salomo.

NEHEMIA 8:18

Tuju alloi sallona ke'nanga assua'-suara'. Allo-allona nabacai Ezra bageang-bageang niaka lalang ri anjo kitta' HukkunNa Allata'ala. Ri allo makasagantuju appare'mi acara untu' antongkoki anjo passua'-suarranna ke'nanga, situru' paratorang Hukkunga.

KALAPPASSANG 29:37

Gaukangi anjo kammaya tunggala' allo lalang tuju allo sallona. Jari kabusu'na anjo tampa' pakkoro'bangnganga a'jari matangkasa'mi; apa-apa mamo anseroai anjo tampa' pakkoro'bangnganga musti nipassareangi mae ri Batara, siagang inai-nai anseroi, lanitujui ri bala lanri kagassingang matangkasa'na.”

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

PAMMILANGNGANG 7:10

Sikamma pamimpinga angngerang passare untu' ampakalompoi upacara pannangkasi tampa' pakkoro'bangnganga. Ri wattunna sadiamo ke'nanga untu' angngerangi passarena ke'nanga mange ri dallekanna tampa' pakkoro'bangnganga,

PAOLE 16:8

Lalang annang allo ribokoanganna, musti angnganreko roti tenaya nammake pa'gambang. Ri makatujuna alloa musti asse're ngasengko untu' anynyomba ri Karaeng Allata'alanu. Teako anjamai anjo alloa.”