2 PATTOTTORANG 7:8 - KITTA' MATANGKASA'

⁸ Tuju alloi nagaukang Salomo siagang sikontu umma' Israel anjo Allo Lompo Pa'ballakang Leko'-lekoka. Teai sipato' jaina tau niaka a'rappung untu' anjo pa'gaukang kasuarranga. Nia' tau battu ri daera bellaya sa'genna oloang mange ri Hamat bageang wara' sa'genna mange ri pa'baeng-baenna Mesir bageang timboro'.

2 PATTOTTORANG 7:8 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

1 KARAENG-KARAENG 8:2

Jari battu ngasemmi ke'nanga ri Allo Lompo Pa'ballakang Leko'-leloka, lalang ri bulang Etanim.

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

2 PATTOTTORANG 30:13

Ri bulang ruana jaimi ra'ya' asse're ri Yerusalem untu' ansuarri Allo Lompo Roti Tenaya Nammake Pa'gambang.

2 PATTOTTORANG 30:26

Sanna' suara'na kota Yerusalem, lanri baku'na jammang ammarentana Salomo ana'na Daud, tena le'bakai kajariang anjo gau' kammaya.

2 PATTOTTORANG 5:3

Jari battu ngasemmi ke'nanga ri wattu Allo Lompo Pa'ballakang Leko'-Lekoka.

YEHEZKIEL 45:25

Ri passua'-suarrang allo lompo Pa'ballakang Leko'-leko', ia nipakaramulaya ri tanggala' sampulo allima bulang tuju, tunggala' allo lalang tuju allo sikamma patugasaka musti assarei koro'bang sangkamma, iamintu koro'bang pammopporang dosa, koro'bang nitunu, koro'bang gandung siagang minynya' zaitun.”

YEHEZKIEL 47:20

Pa'baeng-baeng bageang ilauka appakkaramula battu ri Tamparang Tangngaya, nampa a'lampa wara' ri se'reang tampa' ri laukanna agang antamaya ri Hamat.

AMOS 6:14

KalenNa Batara Kaminang Tinggia siagang Kaminang Koasaya angkana, “He umma' Israel, lakkiringA' tantara battu ri se'reang bansa maraeng untu' ambunduki pa'rasangannu. Lanajallakkang ngasengko appakkaramula battu ri agang mangea ri Hamat wara' sa'genna Ka'bung Araba timboro'.”

YOHANES 7:2

Anjo wattua a'birimmi narapi' Allo Lompo Pa'ballakang Leko'-leko Kayua.