2 PATTOTTORANG 7:6 - KITTA' MATANGKASA'

⁶ Sikamma imanga ammentengi ri tampa' le'baka nipattantu untu' pammantanganna ke'nanga; assidallekangi ke'nanga siagang tu Lewi ammujia ri Batara siagang musi' le'baka napare' Daud, nampa akkelong iamintu kelongang, “Mannannungangi PangamaseanNa!” situru' napassuroanga Daud. Sikamma imanga appasa'rai tarompe' nampa sikontu ra'yaka ammenteng kabusuki.

2 PATTOTTORANG 7:6 ပူးပေါင်းရင်းမြစ်များ

1 PATTOTTORANG 13:8

na Daud siagang sikontu bansa Israel a'joge'-joge'mi siagang akkelong-kelommi siagang lompo sumanga', untu' ampakala'biriki Allata'ala, narurungang kacapi, rebana simbala', siagang tarompe'.

1 PATTOTTORANG 16:34

Sukkurukko ri Batara, nasaba' baji'Na; niaki pangngamaseanNa satunggu-tungguna.

2 PATTOTTORANG 23:18

Nampa nasare tugasa' Yoyada sikamma imanga siagang tu Lewia untu' angngurusuki jama-jamanga ri Balla'Na Batara situru' pambageang jama-jamang le'baka natantukang Karaeng Daud. Musti assarei ke'nanga koro'bang nitunu mae ri Batara – situru' hukkung-hukkung napassareanga Musa – siagang passua'-suarrang kammayatompa kelong-kelong sangkamma le'baka naatoro' Daud.

2 PATTOTTORANG 29:25

Situru' pitunju'-pitunju' Napassareanga Batara mae ri Daud tete ri Na'bi Gad, anjamaya untu' karaenga, siagang tete ri Na'bi Natan, nasaremi tugasa' karaenga sikamma tu Lewia untu' akkarena kacaping siagang gambusu' lalang ri Balla'Na Batara,

2 PATTOTTORANG 29:27

Assaremi tanra Hizkia sollanna nipakaramulamo anjo upacara assarea koro'bang. Lalang nipassareanna anjo koro'banga, appakkaramulami taua akkelong kelong pammuji mae ri Batara, siagang sikamma pakarena musika napasa'rami tarompe'na siagang pakkakasa' musi' maraengannaya.

2 PATTOTTORANG 7:3

Ri wattunna nacini' ra'ya' Israel anjo pepe' turunga battu rate ri langika siagang singara' kahaderanNa Batara ampantamakki Balla'Na Batara, su'ju' kabusu'mi ke'nanga naung ri daparaka, nampa anynyomba siagang ammuji ri Allata'ala, lanri baji'Na siagang mangngamaseangi satunggu-satungguna.

2 PATTOTTORANG 7:5

Untu' koro'bang pappasiamakkang assarei Salomo 22.000 sapi siagang 120.000 gimbala'. Kammami anjo batena karaenga siagang sikontu ra'yaka anggaukangi anjo upacara napassareanna anjo balla' panynyombanga mae ri Batara.

EZRA 6:18

Nampa untu' angngatoroki palayananga lalang ri Balla'Na Batara nibagemi antama ri siapa area golongang sikamma imanga siagang sikamma tu Lewia manuru' paratorang niaka tattulisi' lalang ri kitta'na Musa.

PAMMUJI 106:1

Pujimi Batara! Sukkurukko mae ri Batara, saba' bajiki; pangngamaseanNa sa'genna satunggu-tungguna.

PAMMUJI 107:1

“Sukkurukko mae ri Batara saba' Ia bajiki, pangngamaseanNa sa'genna satunggu-tungguna.”

PAMMUJI 138:8

IKatte lanrupai janjinTa mae ri nakke; teaKi' ammari angngalle tindakang untu' ummatTa.

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

YESAYA 52:6

Lanri kammana anjo lanuakuimi angkana iNakke Allata'ala, nampa anjo wattua lanuasseng ngasemmi angkanaya iNakke anne a'bicara mae ri kau.”

AMOS 6:5

Nungai appareka kelong, sangkamma nagaukanga Daud, siagang nungai angkelongangi anjo lagua nururungang kacapi.

YOSUA 6:4

Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.