2 PATTOTTORANG 6:4 - KITTA' MATANGKASA'

^4-6 Nakana, “Riolo le'baki a'janji Batara mae ri manggeku Daud, angkana, ‘Baku'na Kuerang assulu' ummakKu battu ri Mesir sa'genna anne alloa, tena manna se're kota ri Israel le'ba' Kupile untu' a'jari tampa'na nibangung balla' panynyombang mae ri KalengKu, siagang tena manna sitau Kupile untu' ampimpingi ummakKu Israel. Mingka kamma-kamma anne Kupilei Yerusalem untu' a'jari tampa' panynyombang mae ri KalengKu. Na ikau Daud, Kupileko untu' ammarenta mae ri ummakKu.’ Nipujimi arenNa Karaeng Allata'alana Israel le'baka anrupai anjo janjinNa!”

2 PATTOTTORANG 6:4 ပူးပေါင်းရင်းမြစ်များ

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

2 PATTOTTORANG 6:15

Le'ba'mi Kirupai janjinTa mae ri manggeku Daud. Anjo apa Kipa'janjianga le'ba'mi Kirupai anne alloa.

2 PATTOTTORANG 6:3

Le'baki appala' doang, nagilimmi kalenna karaenga mae ri sikontu ra'yaka niaka ammenteng anjoreng, nampa napappalakkang barakka'Na Allata'ala ke'nanga.

NEHEMIA 8:6

Nakanamo Ezra, “Nipujimi Batara, Allata'ala malompoa!” Sikontu ra'yaka naangka' ngasemmi limanna tinggi-tinggi nampa appiali angkana, “Aming, aming!” Nampa su'ju' ke'nanga anynyomba ri Allata'ala.

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

PAMMUJI 68:4

Mingka tau bajika rannui siagang ma'reja-rejai, akkio' rannu-rannui ke'nanga ri dallekanNa Allata'ala.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.