2 PATTOTTORANG 6:3 - KITTA' MATANGKASA'

³ Le'baki appala' doang, nagilimmi kalenna karaenga mae ri sikontu ra'yaka niaka ammenteng anjoreng, nampa napappalakkang barakka'Na Allata'ala ke'nanga.

2 PATTOTTORANG 6:3 ပူးပေါင်းရင်းမြစ်များ

1 KARAENG-KARAENG 8:14

Le'baki appala' doang, assailemi Karaeng Salomo mae ri sikontu ra'yaka, ia niaka ammenteng anjoreng, nampa napappalakkang barakka' ke'nanga battu ri Allata'ala.

1 PATTOTTORANG 16:2

Le'baki napassareang Daud anjo sikamma koro'banga, nabarakkakimi ra'yaka lalang arenNa Batara,

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.

2 PATTOTTORANG 6:2

Kamma-kamma anne kubangungangKi' se're bangunang lompo, untu' tampa' pammantanganTa satunggu-tungguna.”

2 PATTOTTORANG 6:4

Nakana, “Riolo le'baki a'janji Batara mae ri manggeku Daud, angkana, ‘Baku'na Kuerang assulu' ummakKu battu ri Mesir sa'genna anne alloa, tena manna se're kota ri Israel le'ba' Kupile untu' a'jari tampa'na nibangung balla' panynyombang mae ri KalengKu, siagang tena manna sitau Kupile untu' ampimpingi ummakKu Israel. Mingka kamma-kamma anne Kupilei Yerusalem untu' a'jari tampa' panynyombang mae ri KalengKu. Na ikau Daud, Kupileko untu' ammarenta mae ri ummakKu.’ Nipujimi arenNa Karaeng Allata'alana Israel le'baka anrupai anjo janjinNa!”

YEHEZKIEL 46:10

Patugasa' pamarentaya musti antamaki ri Balla'Na Batara assiagang ngaseng ra'yaka, siagang punna ammotereki musti siagang ngaseng tongi.

MATIUS 13:2

Jai sikali tau a'rappungang angkulilingi Isa. Lanri kammana a'lette'mi nai' ammempo Isa ri se'reang biseang. Na anjo tau jaia anjorengi ri biring tamparanga ammenteng.

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)