2 PATTOTTORANG 5:2 - KITTA' MATANGKASA'

² Le'baki anjo nasuromi Karaeng Salomo sikontu pamimping sukua siagang lokoang bija-bijanna bansa Israel a'rappung ri Yerusalem untu' ampaletteki Patti ParjanjianNa Batara battu ri Sion, Kota Daud, mange ri Balla'Na Batara.

2 PATTOTTORANG 5:2 ပူးပေါင်းရင်းမြစ်များ

2 SAMUEL 5:7

Nakanamo Daud mae ri ana' buana, “Niakka anrinni tau angkabirisi tu Yebus sangkamma bateku angkabirisi ke'nanga? Maka birisi' tojengi sa'genna cinna dudu ambunoi ke'nanga? Punna kamma, antama' mako battu ri passolongang je'neka nampa bunduki anjo tu butaya siagang tu tempanga kukabirisia.” (Iaminjo saba'na nanakana taua, “Tu butaya siagang tu tempanga takkulleai antama' ri Balla'Na Batara.”) Akkullemi naalle Daud anjo pattahanganna Sion siagang naempoi. Naaremmi “Kota Daud”. Nabangummi anjo kotaya ri tammulilina anjo pattahangnganga, appakkaramula battu ri rayanganna bonto nipakatinggia siagang butta.

2 SAMUEL 6:12

Nalangngereki Karaeng Daud angkanaya Nabarakkaki Batara kaluargana Obed-Edom siagang sikontu barang-baranna lanri anjo Patti Parjanjianga. Jari a'lampami mange ri balla'na Obed-Edom angngallei anjo Pattia untu' napalette' mange ri Yerusalem siagang nasuarri lompoi.

1 PATTOTTORANG 15:1

Ambangummi Daud siapa are balla' untu' kalenna ri Kota Daud, siagang appasadiami tampa' untu' Patti ParjanjianNa Allata'ala, nampa appaenteng kema untu' anjo Pattia.

1 PATTOTTORANG 15:12

Nakanamo Daud ri ke'nanga, “Ikau ngaseng anne pamimping bija-bija niaka lalang ri suku Lewi. Lanri kammana, ikau ngaseng siagang tu Lewi maraengannaya parallui nutangkasi kalennu, sollanna akkulle nupalette' Patti ParjanjianNa Batara, Allata'alana Israel, mange ri tampa' le'baka kupasadia.

1 PATTOTTORANG 15:25

A'lampami Karaeng Daud siagang sikamma pamimpinna Israel kammayatompa sikamma perwira-perwiraya mange ri balla'na Obed-Edom untu' angngallei Patti Parjanjianga anjo, nanisuarri lompo.

1 PATTOTTORANG 15:3

Jari nakio'mi Daud sikontu tu Israelka battu mae ri Yerusalem untu' ampaletteki Patti ParjanjianNa Batara mae ri tampa' le'bakamo napasadia.

1 PATTOTTORANG 16:1

Nipadongko'mi anjo Patti Parjanjianga lalang ri kema le'baka napasadia Daud untu' anjo Pattia. Nampa assaremo koro'bang ke'nanga mae ri Allata'ala, iamintu koro'bang nitunu siagang koro'bang untu' passiamakkang.

1 PATTOTTORANG 24:31

Untu' pa'le'basanna tugasa'na ke'nanga, massing-massing kapala kaluarga siagang sitau andi'na bura'nea a'besoki lomoro' nigoccang situru' apa nagaukanga sikamma sari'battanna ke'nanga, iamintu sikamma imang turunganna Harun. Anjo lomoro' nigoccanga nisa'bi ri Karaeng Daud siagang Zadok, Ahimelekh siagang kapala-kapala kaluarga battu ri golongang imanga siagang battu ri golongang tu Lewi.

1 PATTOTTORANG 24:6

A'le'basa'mi turunganna Eleazar siagang turunganna Itamar angngalle ambesoki anjo goccanga, nampa nicata' arenna ke'nanga ri se'reang jurutulisi', iamintu niarenga Semaya, ana'na Netaneel, tu Lewi. Yangasenna anjo nigaukangi ri dallekanna karaenga siagang sikamma pagawena, Imang Zadok, Ahimelekh ana'na Abyatar, sikamma kapala kaluarga golongang imanga, kammayatompa kapala-kapala kaluarga golongang Lewi.

1 PATTOTTORANG 26:26

Selomit siagang bija pammanakanna tanggong jawa' mae ri sikontu passare napassareanga Karaeng Daud, kapala-kapala kaluargaya, pamimping-pamimping pa'rappungang bijaya, siagang sikamma perwira tinggina tantaraya.

1 PATTOTTORANG 28:1

Naparentakangi Daud sollanna a'rappungang ngaseng sikontu pamimping Israel ri Yerusalem. Jari sikamma kapala sukua, pajaba' ri urusang pamarentahanga, kapala-kapala pa'rappungang bijaya, sikamma pajagana barang-baranna siagang olo'-olo'na siagang ana'-ana' bura'nena karaenga – bodona kana sikamma tumalompoa ri balla'na karaenga, komandang tantaraya siagang tunipakalompoa, yangasenna a'rappungangi ri Yerusalem.

2 PATTOTTORANG 1:4

Mingka Patti ParjanjianNa Batara niaki ri Yerusalem, lalang ri kema nabangunga Daud untu' anjo Pattia ri wattunna napalette' battu ri Kiryat-Yearim.)

2 PATTOTTORANG 5:1

Le'baki nabangung Karaeng Salomo anjo Balla'Na Batara, naboli' kabusu'mi lalang ri gudang-gudanna anjo Ballaka sikamma pera', bulaeng, na barang-barang le'baka napassareang Daud manggena mae ri Batara.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 87:2

Battu ri sikontu kota ri Israel Yerusalem kaminang Nakamaseang.

KAIMANGNGANG 9:5

Sikontu anjo napappasangnganga Musa naerang ngasemmi ke'nanga mange ri dallekanna Kemaya, nampa sikontu umma' Israel a'rappungammi anjoreng untu' anggaukangi ibadaya mae ri Batara.

PAMMILANGNGANG 10:33

Le'ba'namo nabokoi bansa Israel Moncong Sinai, iamintu moncong pammantangnganNa Batara, a'jappami ke'nanga tallungallo. Patti ParjanjianNa Batara tuli nierangi ri dallekanna ke'nanga untu' a'boya tampa' pakkemaanna ke'nanga.

PAMMILANGNGANG 10:36

Siagang punna battu anjo Patti Parjanjianga mange ri tampa' pammantangnganga, angkanami Musa, “Ammotere' maKi' o Batara, mange ri assa'bua Kaluarga Israel.”