2 PATTOTTORANG 5:1 - KITTA' MATANGKASA'

¹ Le'baki nabangung Karaeng Salomo anjo Balla'Na Batara, naboli' kabusu'mi lalang ri gudang-gudanna anjo Ballaka sikamma pera', bulaeng, na barang-barang le'baka napassareang Daud manggena mae ri Batara.

2 PATTOTTORANG 5:1 ပူးပေါင်းရင်းမြစ်များ

2 SAMUEL 8:11

Napassareang kabusuki Daud anjo sikontu hadiaya mae ri Batara untu' nipake lalang ri upacara sambayanga. Kammatommi anjo nagaukangi sikamma barang-barang bulaenga siagang pera' le'baka narampasa' battu ri Hadadezer siagang bansa-bansa nabetaya, iamintu bansa Edom, Moab, Filistin siagang Amalek.

1 KARAENG-KARAENG 7:39

Naboliki Huram lima kareta ri timboranna Balla'Na Batara, siagang lima ri bageang warakkanna. Bongki tambagaya naboliki rayangngang timborang, ri panyingkuluka.

1 KARAENG-KARAENG 7:51

Le'ba'namo Salomo ambangungi Balla'Na Batara, naboli'mi lalang ri gudang-gudanna anjo ballaka iamintu sikontu peraka, bulaenga, siagang barang-barang maraeng ia le'baka napassareang Daud, manggena, ri Batara.

1 PATTOTTORANG 18:11

Napassareang ngasemmi Daud mae ri Batara sikamma anjo hadiaya, untu' nipake lalang gau' passambayangang. Kamma tomminjo nagaukangangi sikamma barang-barang bulaeng le'baka narampasa' battu ri Hadadezer siagang bansa-bansa nabetaya, iamintu bansa Edom, Moab, Amon, Filistin, siagang Amalek.

1 PATTOTTORANG 22:14

Na passala'na anjo Balla'Na Batara, le'ba'ma' usaha tojeng-tojeng appasse're 3.400 tong battala'na bulaeng siagang la'bi 34.000 tong battala'na pera'. Napantaranganna anjo nia' todong parunggu siagang bassi, ia takkullea nibilang lanri jaina. Kayu siagang batu kupasadiami, mingka musti nutambai pole.