2 PATTOTTORANG 32:7 - KITTA' MATANGKASA'

⁷ “Sa'barakko siagang pakajarreki tappa'nu; teako mallakki mae ri karaeng Asyur yareka mae ri pasukanna. La'bi kassakangngangki' ikatte na anjo ke'nanga.

2 PATTOTTORANG 32:7 ပူးပေါင်းရင်းမြစ်များ

2 KARAENG-KARAENG 6:16

Appialimi Elisa angkana, “Teako mallakki. Ia niaka angngagangki' la'bi jaiangngangi naanjo ke'nanga.”

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

1 YOHANES 4:4

Mingka sikamma ana'-anakku, ikau tau battu ngasengko ri Allata'ala assala'nu. Le'ba'mi nubeta na'bi-na'bi balle-ballea, nasaba' Roh niaka ri kau la'bi makoasangangi na roh niaka ri taunna ngaseng anne linoa.

2 PATTOTTORANG 20:15

nampa angkana, “O Karaeng mala'birikku siagang sikamma sari'battangku niaka hadere'. Angkanai Batara angkanaya teako tappu' minasai yareka teako mallakki andallekangi anjo tantara jaia. Nasaba' teai ikau la'bundu', passangalinna Allata'ala.

2 KARAENG-KARAENG 18:30

Teako pilangngeri panynyonyo'na untu' manrannuang ri Batara. Teako kapangngi angkanaya laNapasalamakko Batara yareka laNarompai tantara Asyur untu' angngallei kotanu.

ZAKHARIA 8:9

Nakana Batara mae ri umma'Na, “Pakajarreki pa'mai'nu! Kamma-kamma anne nulangngereki kana-kana ia le'baka todong napau sikamma na'bia ri wattu nipadongko'na batu pundasia, untu' ambangungi BallakKu ammotere'.

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.

DANIEL 10:19

Nakanamo, “Nakamaseangko Allata'ala; lanri kammana anjo tea' mako lussakki yareka tea' mako mallakki, gassingi kalennu!” Lalang napauna anjo kammaya, pila' gassimmi kusa'ring kalengku, nampa kukanamo, “A'bicara maki', karaeng. Kitambaimi kagassingangku kusa'ring.”

PAOLE 31:23

Nampa Nakana Batara mae ri Yosua, ana'na Nun, “Paralluko majarre' pa'mai' siagang barani Yosua! Ikau lampimpingi bansa Israel ampatamakki pa'rasangang Kupa'janjianga mae ri ke'nanga, siagang iNakke lantulungko.”

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.

1 PATTOTTORANG 28:10

U'rangi baji'-baji' angkanaya le'ba' mako Napile untu' ambangung balla' untu' KalenNa. Jari, kamma-kamma anne gaukammi anjo, na nupatterassang ero'nu.”

1 PATTOTTORANG 22:13

Punna nuturuki sikontu hukkung Napassareanga Batara ri Musa untu' bansa Israel, la'wasselekko. Paralluko matappa' siagang barani. Teako mallakki andallekangi manna pole apa mamo.

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

2 PATTOTTORANG 16:7

Anjo wattua niaki Na'bi Hanani battu mange ri Karaeng Asa na nakana, “Lanri tanjeng maeko ri karaeng Siria, tena nutanjeng mae ri Karaeng Allata'alanu, tappela'mi kasampatannu untu' ambetai tantarana karaeng Israel.

PAMMUJI 118:8

Bajikangngangi a'la'langa mae ri Batara, kala manrannuanga mae ri rupataua.

YEREMIA 42:11

Teako mallakki mae ri anjo karaeng Babel. NiakKa' ri tangnga-tangnganu untu' antulungko siagang allappassangko battu ri kakoasanna.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

2 KARAENG-KARAENG 18:5

Ri alla'na sikamma karaeng Yehuda, baji' rioloangannaya kammayatompa ribokoanganna Hizkia, tenamo sangkammanna. Ia tappaki ri Batara, Allata'alana Israel,

2 PATTOTTORANG 15:7

Mingka ikau ngaseng, musti nupakajarreki pa'mai'nu siagang musti baraniko. Lania' wassele'na usahanu.”

2 PATTOTTORANG 20:17

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”

NEHEMIA 4:8

Assitujumi ke'nanga ero' ambunduki Yerusalem untu' appare' karicuang.