2 PATTOTTORANG 3:7 - KITTA' MATANGKASA'

⁷ Napake tongi anjo bulaenga untu' allapisiki anjo tembo'-tembo' Balla'Na Batara, balo'-balo'na, bageang-bageang ratena pakke'buka siagang pakke'bu'-pakke'bu'na. Tembo'-tembo'na naukiriki siagang gambara' malaeka' akka'nyi'.

2 PATTOTTORANG 3:7 ပူးပေါင်းရင်းမြစ်များ

2 PATTOTTORANG 3:6

Nabelo-beloi karaenga anjo Ballaka siagang batu paramata ga'ga-ga'gaya siagang bulaeng-bulaeng nieranga battu ri pa'rasangang Parwaim.

KALAPPASSANG 26:1

“Apparekko Kema untu' iNakke; ia nupareka iamintu sampulo polong kaeng lenang alusu', nitannungi siagang wol gauka tanja'na, lame butung, siagang eja. Sulangi anjo kaenga siagang gambara' malaeka' akka'nyi'.

KALAPPASSANG 26:29

Anjo rangka Kemaya siagang sikamma kayu pangngepe'na musti nulapisi siagang bulaeng. Ponto-ponto untu' pannahanna anjo kayu-kayua musti bulaeng nipare'.

YEHEZKIEL 7:20

Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.