2 PATTOTTORANG 3:6 - KITTA' MATANGKASA'

⁶ Nabelo-beloi karaenga anjo Ballaka siagang batu paramata ga'ga-ga'gaya siagang bulaeng-bulaeng nieranga battu ri pa'rasangang Parwaim.

2 PATTOTTORANG 3:6 ပူးပေါင်းရင်းမြစ်များ

1 PATTOTTORANG 29:2

Bahang-bahanna anjo ballaka siagang sikamma pakkakasa'na le'ba'mi kupasadia situru' pakkulleku. Le'ba'ma' appasadia bulaeng, pera', parunggu, bassi, kayu, batu-batu ka'jalaka ballinna, batu-batu paramata, batu-batu sangka' rupaya warnana untu' pa'belo-belo, siagang sanna' jaina batu accilaka.

1 PATTOTTORANG 29:8

Sikamma tau niaka paramatana napassareammi mae ri Yehiel untu' nipantama' ri pammolikang barang-baranga untu' Balla'Na Batara. (Yehiel iami sitau tu Lewi battu ri bijanna Gerson).

2 PATTOTTORANG 3:5

Kamara' makase'rea nisarei papang kayu camara kaminang bajika siagang nilapisi' bulaeng toa. Ri anjo lapisang bulaenga nia' ukirang gambara' poko' palem siagang gambara' rante.

2 PATTOTTORANG 3:7

Napake tongi anjo bulaenga untu' allapisiki anjo tembo'-tembo' Balla'Na Batara, balo'-balo'na, bageang-bageang ratena pakke'buka siagang pakke'bu'-pakke'bu'na. Tembo'-tembo'na naukiriki siagang gambara' malaeka' akka'nyi'.