2 PATTOTTORANG 26:9 - KITTA' MATANGKASA'

⁹ Ambangungi Uzia menara ri Pakke'bu' Lompo Panyingkulu', ri Pakke'bu' Lompo Ka'bung Lappara', siagang pa'bilukang tembo', untu' ampakajarreki kota Yerusalem.

2 PATTOTTORANG 26:9 ပူးပေါင်းရင်းမြစ်များ

2 KARAENG-KARAENG 14:13

Nijakkala'mi Amazia ri Yoas, nampa a'lampa Yoas mange ri Yerusalem anruntungi tembo'na anjo kotaya kira-kira 200 metere' la'buna, appakkaramula battu ri Pakke'bu' Lompo Efraim sa'genna mange ri Pakke'bu' Lompo Panyingkulu'.

2 PATTOTTORANG 25:23

Nijakkala'mi Amazia ri Yoas nampa nierang mange ri Yerusalem, siagang naruntung tembo'na anjo kotaya kira-kira nia' 200 metere' la'buna, appakkaramula battu ri Pakke'bu' Lompo Efraim sa'genna mange ri Pakke'bu' Lompo Panyingkulu'.

NEHEMIA 2:13

Bangngi iji nanabokoi ikambe anjo kotaya, ammalo ri Pakke'bu' Lompo Ka'bung, ri bageang ilau'. A'lampa timboroki ikambe, mange ri Pakke'bu' Lompo Pa'loroang, ammalo ri Timbuseng Je'ne' Naga. Lalang a'jappana ikambe kuparessami sikamma kapanrakanna tembo' kalli'na kotaya. Kammayatompa kucini' tommi sikamma pakke'bu' lompo le'baka nakanre pepe'.

NEHEMIA 2:15

Jari, naummi ikambe ri Ka'bung Kidron nampa napannarrusu' jappana ikambe anjo bangngia, siagang kuparessami tembo' kalli'na kotaya. Le'baki anjo a'lekkomi ikambe nampa ammotere' mange ri kotaya, ammalo ri Pakke'bu' Lompo Ka'bunga.

YEREMIA 31:38

Nakana Batara, “Lanarapiki sallang wattunna sikontu Yerusalem lanibangungi ammotere' a'jari kotaKu, battu ri Menara Hananeel sa'genna Pakke'bu' Lompo Panyingkuluka.

ZAKHARIA 14:10

Sikontu pa'rasanganga appakkaramula battu ri Geba bageang wara' sa'genna Rimon ri bageang timboro', la'jari lappara' ngasengi. Mingka Yerusalem lammenteng tinggi nai', la'bi tinggiangngang nabutta niaka ri tammulilina; anjo kotaya la'la'baki appakkaramula battu ri Pakke'bu' Lompo Benyamin sa'genna mange ri Pakke'bu' Lompo Panyingkulu', iamintu tampa'na pakke'bu' lompo Makase'rea siagang battu ri Menara Hananel sa'genna mange ri tampa' pammaccokang anggoro'na karaenga.