2 PATTOTTORANG 26:8 - KITTA' MATANGKASA'

⁸ Assarei doe' pa'bayara' tu Amon mae ri Uzia. Pila' makoasami sa'genna masahoro' arenna sa'genna mange ri Mesir.

2 PATTOTTORANG 26:8 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 19:38

Na ana' makaruaya allassukang tommi sitau ana' bura'ne nampa naareng Ben-Ami. Iaminne a'jari boe-boe'na bansa Amon kamma-kamma anne.

2 SAMUEL 8:13

A'jari pila' katambammi masahoro'na arenna Daud ri wattunna ammotere' siagang le'ba'na nabuno tu Edom 18.000 jaina ri Ka'bung Asin.

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

1 KARAENG-KARAENG 4:31

Ia tojeng-tojemmi kaminang cara'de' battu ri sikontu taua. La'biangngangi na Etan anjo tu Ezrahi, Heman, Kalkol siagang Darda ana'-ana'na Mahol. Alla'bangi niasseng ri kere-keremae ri sikontu pa'rasangang niaka ri tammulilina kakaraenganna.

1 PATTOTTORANG 14:17

Jari masahoro'mi arenna Daud ri kere-keremae, siagang nipa'jari malla' ngasemmi anjo sikontu bansaya ri Batara mae ri Daud.

2 PATTOTTORANG 17:11

Battu ri Filistin annarimai passare jai pera' siagang passare maraengannaya, siagang battu ri tu Arab annarimai passare 7.700 gimbala' siagang 7.700 bembe.

2 PATTOTTORANG 20:1

Siapa are wattu ribokoanganna, nia'mi battu tantara Moab siagang Amon, siagang kabusu' agang-aganna ke'nanga iamintu tantara Meunim, ambunduki tu Yehuda.

2 PATTOTTORANG 26:9

Ambangungi Uzia menara ri Pakke'bu' Lompo Panyingkulu', ri Pakke'bu' Lompo Ka'bung Lappara', siagang pa'bilukang tembo', untu' ampakajarreki kota Yerusalem.

2 PATTOTTORANG 27:5

Nabunduki nampa nabeta karaeng Amon siagang tantarana, nampa napassa tu Amon assare pa'bayara'. Tassikali lalang tallun taung musti a'bayara' ke'nanga 3.400 kilogarang pera', ruang rupa gandung, massing-massing 1.000 kilogarang tassirupa.

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

PAOLE 2:19

Jari battuko mange ri ampi'na buttana tu Amon, jari-jarina Lot. Teako ganggui yareka teako bunduki ke'nanga, nasaba' tena manna sike'de' battu ri anjo butta le'baka Kupassareang mae ri ke'nanga, laKupassareang mae ri kau.’ ” (

1 SAMUEL 11:1

Nampa Nahas, iamintu karaeng tu Amon, napagio'mi tantarana nampa nakurung anjo kota Yabesh ri daera Gilead. Angngussulu'mi panduduka mae ri Nahas kamma anne, “Appare' maki' parjanjiang siagang ikambe, nampa latundu' ikambe mae ri katte.”