2 PATTOTTORANG 22:9 - KITTA' MATANGKASA'

⁹ Nampa nasuro taua amboyai Ahazia a'lampaya accokko anjo wattua ri Samaria. Nabuntulu'na Ahazia, nierammi mange ri Yehu nampa nibuno. Mingka manna nakamma nitarawang tonji ri ke'nanga lanri napakalompoi Karaeng Yosafat, toana attojeng-tojenga pa'mai'na anynyomba mae ri Batara. Tena tau battu ri kaluargana akkulle angngallei ammotere' kakoasang pamarentahanga.

2 PATTOTTORANG 22:9 ပူးပေါင်းရင်းမြစ်များ

1 KARAENG-KARAENG 13:21

sa'genna napakainga'mo anjo na'bi battua ri Yehuda angkana, “Nakana Batara angkanaya tena numannuruki ri Ia. Tena nanugaukangi apa Naparentakanga mae ri kau.

1 KARAENG-KARAENG 14:13

Sikontu ra'ya' Israel lasusa ngasengi nampa natarawang. Iaji bawang kale-kalenna anggota kaluargana Yerobeam lanitarawang baji'-baji', nasaba' iaji bawang nipangngellai ri atinNa Batara, Allata'alana Israel.

2 KARAENG-KARAENG 9:34

Le'baki anjo antama'mi Yehu ri balla' karaenga nampa angnganre. Nampa nakana, “Anjo bainea tau nitunrai. Mingka manna nakamma mamo, tarawang tonji ia maya'na, lanri ia ana' bainenai karaenga.”

2 PATTOTTORANG 19:3

Mingka manna nakamma nia' tongija apa baji' ri kalenta. Le'ba'mi Kipakabella sikontu patunna Dewi Asyera nasombaya ra'yaka siagang kiusahakang tommi anggaukangi ero'Na Allata'ala lalang tallasatta.”

2 PATTOTTORANG 21:17

Nabunduki ke'nanga Yehuda, narampasaki barang-barang niaka ri balla' karaenga, nampa naerang a'lampa sikamma ana'na siagang sikamma bainenna Yehoram a'jari tunitahang; se're mami ana'na, iamintu Ahazia ana' bura'ne bungkona tena nanierangi a'lampa.

2 PATTOTTORANG 21:20

Tena manna sitau ampassayangi anjo kamateanna. Nitarawangi ri Kota Daud, mingka tena nalalang ri pa'jerakkanna sikamma karaenga. Ri wattunna a'jari Karaeng Yehoram 32 taung umuru'na, siagang ammarentai 8 taung sallona ri Yerusalem.

2 PATTOTTORANG 21:4

Ri wattunna kassa'mo nasa'ring Yehoram empoanna salaku karaeng, nasuro buno kabusu'mi sari'battanna siagang siapa are pagawe tinggina.

2 PATTOTTORANG 22:8

Lalang nagaukanna Yehu anjo hukkunganNa Batara mae ri anjo kaluargaya, assigappai siagang se're rombongang tumalompona Yehuda siagang kamanakang-kamanakanna Ahazia niaka todong amminawang battu attoa'. Jari nabuno kabusu'mi Yehu anjo ke'nanga.

2 PATTOTTORANG 24:25

Sannaki loko'na Yoas lalang ri anjo pa'bundukanga. A'lampanamo musua, nia'mo rua pagawena assikongkolo'. Nabunoi ke'nanga Karaeng Yoas ri tampa' katinroanna, salaku pa'balasa' mae ri nabunona ana'na Imang Yoyada. Nitarawangi Karaeng Yoas ri Kota Daud, mingka tena nanjoreng ri pa'jerakkanna sikamma karaenga. (

2 PATTOTTORANG 33:24

Pagawe-pagawena Amon assikongkoloki angngewai Karaeng Amon nampa nabuno lalang ri balla' karaenga.

YEREMIA 29:13

LanuboyA' nampa lanubuntulukKa', lanri attojeng-tojenna pa'mai'nu amboyA'.