2 PATTOTTORANG 22:7 - KITTA' MATANGKASA'

⁷ Le'baki Napattantu Allata'ala angkanaya lanarapiki a'jala'na Ahazia ri wattunna a'lampa angkunjungi Yoram. Anjo ri wattu a'lampana Ahazia angkunjungi Yoram, nia'mo sitau angngewai ke'nanga, iamintu tuniarenga Yehu ana' bura'nena Nimsi, le'baka nipile ri Batara untu' angngancuruki kaluargana Karaeng Ahab.

2 PATTOTTORANG 22:7 ပူးပေါင်းရင်းမြစ်များ

1 KARAENG-KARAENG 12:15

Tena najampangi pappala'na ra'yaka. Mingka anjo memang ero'Na Batara. Apa le'baka Napau Batara tete ri Na'bi Ahia battu ri Silo ri passala'na Yerobeam ana'na Nebat, musti kajariangi.

1 KARAENG-KARAENG 12:24

angkanaya, “Teako bunduki anjo sari'battannu Israel. Ammotere' mako! Anjo apa le'baka kajariang, anjo erokKu.” Jari naturukimi ke'nanga parentaNa Batara, nampa massing ammotere'mo ke'nanga mae ri balla'na.

1 KARAENG-KARAENG 19:16

Gaukang tommi anjo kammaya mae ri Yehu ana'na Nimsi, sollanna a'jari karaeng Israel. Kammayatompa Elisa ana'na Safat battu ri Abel-Mehola, sollanna a'jari na'bi ansambeangko.

1 KARAENG-KARAENG 22:20

Akkuta'nangi Karaeng Allata'ala, ‘Inai lanynyonyoki Ahab sollanna ero' a'lampa mange a'bundu' siagang mate ri Ramot ri Gilead?’ Tena nasangkamma-kamma pappialinna anjo malaeka'-malaekaka.

2 KARAENG-KARAENG 10:11

Nampa nabuno Yehu sikontu bija pammanakanna Ahab maraenga niaka ammantang ri Yizreel, kammayatompa sikontu pagawena, agang-agang baji'na, siagang imang-imanna; tena manna sitau nalappassang attallasa'.

2 KARAENG-KARAENG 9:21

Naparentakammi Karaeng Yoram angkana, “Pasadiai karetaku.” Nipasadiami karetana, nampa a'lampa kalenna Yoram siagang Karaeng Ahazia mange anruppai Yehu, massing para lalang ri kareta kalenna. Assibuntulu'mi ke'nanga siagang Yehu ri le'ba' kokonna Nabot.

2 KARAENG-KARAENG 9:27

Naciniki Ahazia anjo apa kajarianga. Jari napalarimi karetana a'lampa mange ri kota Bet-Hagan. Niondammi ri Yehu siagang a'gorai ri ana' buana angkana, “Buno tongi anjo!” Nipanami ri ke'nanga na nataba ri agang a'lampa mangea ri Gur, ri ampi'na kota Yibleam. Mingka akkullei ta'lappasa' lari sa'genna mange ri Megido, nampa anjorempi mate.

2 PATTOTTORANG 10:15

Tena najampangi anjo pappala'na ra'yaka. Mingka memang anjo ero'Na Karaeng Allata'ala. Anjo apa le'baka Napau Batara tete ri Na'bi Ahia battu ri Silo musti a'rupai.

2 PATTOTTORANG 22:6

nampa ammotere' mange ri Yizreel untu' niballei, siagang a'lampai Ahazia mange antoaki anjoreng.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

MALEAKHI 4:3

Ri anjo alloa langngalleA' tindakang, nalanubeta tau ja'dalaka, sa'genna rapang ke'nanga limbu'bu' nuonjo'-onjokanga.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

YOSUA 11:20

Nipa'jari terasaki pa'mai'na ke'nanga ri Batara untu' a'bundu' siagang tu Israel, sollanna niancuru' ke'nanga, siagang nibuno tanikamaseang situru' parentaNa Batara mae ri Musa.

HAKING-HAKING 14:4

Tanaassengai tau toana Simson angkana Batara ampagioki Simson na nagaukang anjo kammaya. Nasaba', a'boyai kasampatang Batara untu' ambunduki tu Filistin. Anjo wattua, nikoasai tu Israelka ri tu Filistin.