2 PATTOTTORANG 22:2 - KITTA' MATANGKASA'

^2-3 Ri wattunna a'jari Karaeng Ahazia, 22 taung umuru'na, siagang ammarentai sitaung sallona ri Yerusalem. Kamma tongi kaluargana Karaeng Ahab batena appanggaukang anjo Ahazia lalang tallasa'na, lanri niajaraki ri amma'na niarenga Atalya, untu' anggaukangi kaja'dallanga. Atalya iamintu ana' bainena Karaeng Ahab, cucunna Omri karaeng Israel.

2 PATTOTTORANG 22:2 ပူးပေါင်းရင်းမြစ်များ

1 KARAENG-KARAENG 16:28

Matenamo Omri siagang nitarawang ri Samaria, Ahab ana'na ansambeangi a'jari karaeng.

2 KARAENG-KARAENG 8:18

A'buntingi siagang ana'na Ahab, na kamma panggaukanna kaluargana Ahab, ia doraka tongi mae ri Batara sangkamma sikamma karaeng Israel.

2 KARAENG-KARAENG 8:26

Anjo wattua 22 taung umuru'na Ahazia, na sitaungi ammarenta ri Yerusalem. Amma'na niarengi Atalya, ana'na Karaeng Ahab, cucunna Omri karaeng Israel.

2 PATTOTTORANG 21:6

Naturuki katallassanna Ahab siagang karaeng Israel maraenganga, lanri a'buntinna siagang kalase'renna ana' bainena Ahab. Dorakai mae ri Batara,

2 PATTOTTORANG 22:1

Ri wattunna battu garombolang tu Arab ambunduki Yehuda, sikontu ana' bura'nena Yehoram, pantaranganna Ahazia ana' bura'ne bungkona, nibuno kabusuki. Lanri kammana anjo niangka'mi Ahazia ri pandudu' Yerusalem a'jari karaeng ansambeangi manggena.