2 PATTOTTORANG 21:3 - KITTA' MATANGKASA'

³ Jai sikali nagappa ke'nanga bulaeng, pera' siagang barang-barang lompoa anggaranna maraenga battu ri manggena ke'nanga; siagang massing nisare tongi ke'nanga kota niaka pattahanganna ri Yehuda. Mingka lanri Yehoram ana' bura'ne kaminang toa, iami nipattantu ri Yosafat untu' a'jari karaeng.

2 PATTOTTORANG 21:3 ပူးပေါင်းရင်းမြစ်များ

PA'JARIANG 25:6

mingka ri wattu attallasa'na jai tonji hadia barang-barang napassareang mae ri ana'-ana' battua ri baine maraenna. Nampa nasuro anjo sikamma ana'na a'lette' mange ri daera niaka ri bageang rayanganna Kanaan, sollanna napakabella kalenna battu ri Ishak ana'na.

2 PATTOTTORANG 11:23

Naatoro' bajiki Rehabeam batena assarei tugasa' anjo sikamma ana' bura'nena siagang natampakkangi ke'nanga ri kota-kota niaka pattahanganna ri sikontu daera Yehuda siagang Benyamin. Nasarei ke'nanga alla'bi-la'bi kanre-kanreang, siagang napasadiangi ke'nanga jai baine.

2 PATTOTTORANG 11:5

Anjorengi ri Yerusalem ammantang Rehabeam siagang nasuroi taua ambangung tembo'-tembo' pattahangngang untu' kota-kota niaka ri daera Yehuda siagang Benyamin, iamintu:

YEHEZKIEL 46:16

Batara Kaminang Tinggia Napassareangi anne parentaya angkana, “Punna nia' patugasa' pamarenta ampassareangi sipa'gang butta pisakana mae ri kalase'renna ana' tu bura'nena, anjo buttaya a'jarimi buttana ana' bura'nena siagang anjari barang kaluarga.