2 PATTOTTORANG 20:2 - KITTA' MATANGKASA'

² Nabattumo taua ampabattui anne kabaraka mae ri Karaeng Yosafat angkana, “Nia' battu sanna' jaina tantara Edom, battu ri ba'leanna Tamparang Matea, untu' ambundukiki'. Le'ba'mi nabeta ke'nanga Hazezon-Tamar.” (Hazezon-Tamar iamintu areng maraenna En-Gedi.)

2 PATTOTTORANG 20:2 ပူးပေါင်းရင်းမြစ်များ

PA'JARIANG 14:3

Anjo limaya karaenga a'jari agangi siagang napasse'rei tantarana ke'nanga ri Lappara'na Sidim, ia niarenga kamma-kamma anne Tamparang Mate.

PA'JARIANG 14:7

Le'baki anjo ammotere'mi pole anjo tau angngondanga mange ri En-Mispat, ia niarenga Kades kamma-kamma anne. Nakoasaimi ke'nanga sikontu butta Amalek, kammayatompa nabetami ke'nanga tu Amori niaka ammantang ri Hazezon-Tamar.

KELONG MALA'BIRI' 1:14

Tanringku rapangi bunga attimboa ri koko-koko anggoro' En-Gedi.

YEHEZKIEL 47:10

Battu ri timbuseng-timbuseng je'ne' ri En-Gedi sa'genna timbuseng-timbuseng je'ne' En-Eglaim, biring-birinna lasuaraki napakamma paboya juku' angngalloi jalana anjoreng. Sangka' rupa juku' lania' lalang ri anjo je'neka, sangkamma niaka ri Tamparang Tangngaya.

YEHEZKIEL 47:19

Pa'baeng-baeng bageang timboro' a'lampa kalau', battu ri Tamar mange ri timbuseng je'ne' Kades-Meriba, nampa kalau' ri pa'baeng-baenna Mesir sa'genna Tamparang Tangngaya.

YEHEZKIEL 48:28

Timboranna butta' Gad iamintu pa'baeng-baeng appakkaramulaya battu laukanna Tamar allalo ri timbuseng je'ne' Kades-Meriba, nampa mange kalau' ri pa'baeng-baenna Mesir sa'genna Tamparang Tangngaya.

PAMMILANGNGANG 34:12

nampa a'lampa timboro' amminawang ri siapa area la'buna Binanga Yordan sa'genna mange ri Tamparang Matea. Iaminjo pa'rasangannu situru' pa'baeng-baenga ri tammulilina.”

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

1 SAMUEL 23:29

Battu anjoreng a'lampami Daud mange ri daera En-Gedi, nampa accokko ri kali'bong-kali'bonga.