2 PATTOTTORANG 2:6 - KITTA' MATANGKASA'

⁶ Mingka sikontutojenna tena manna sitau nia' pakkullena ambangung balla' untu' Allata'ala, lanri manna sikontu anne linoa takkulle angga'na lompona untu' a'jari pammantanganNa. Jari, anjo Balla'Na Batara poro lasanrapanji bawang tampa' pattunuang dupa mae ri Allata'ala!

2 PATTOTTORANG 2:6 ပူးပေါင်းရင်းမြစ်များ

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

1 KARAENG-KARAENG 7:13

Ri kota Tirus nia' sitau bura'ne niareng Huram. Ia sanna' sikali cara'de'na siagang jai pangalamanna lalang appareka a'rupa-rupa barang tambaga. Tumate manggena iami tu Tirus na cara'de' appare' barang-barang tambaga. Amma'na tubattu ri suku Naftali. Le'ba'mi nasuro Salomo a'lampa taua mange ambuntuli Huram untu' battu nanakapalai anjo sikontu jama-jamang appareka barang tambaga. Jari battumi Huram na najamamo apa nasuro jamaya Salomo.

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

1 PATTOTTORANG 22:15

Jai tau anjamanu. Nia' akkulle anjama batu, nia' tukang kayu, tukang batu, siagang jai sikali tau cara'de' anjama

1 PATTOTTORANG 29:14

Inakke siagang anne ra'yakku sikontutojenna tena pakkullena assare apa-apa mae ri Katte, lanri yangasenna passareTa tonji. Na anne apa napassareanga ikambe iKatte tonji pata.

2 PATTOTTORANG 1:10

Lanri kammana anjo, poro Kisare laloa' kacara'dekang baji' siagang pangngassengang kuparalluanga untu' ampimpingi ke'nanga. Punna tena nakamma, antemi kamma bateku lakulle amparentai anne ummatTa lompo kammaya?”

2 PATTOTTORANG 6:18

Mingka o Allata'ala, maka ma'nassa ero' tojenjaKi' ammantang ri anne tompo'na buttaya, ri tangnga-tangngana rupataua? Manna sikontu langika tagannaki luara'na untu' Kipammantangngi, la'biangampa naanne balla' sambayang kubangunga!

KALAPPASSANG 3:11

Mingka nakanamo Musa ri Allata'ala, “Inai tonga' anne inakke, sa'gengku akkulle andallekang ri karaenga siagang angngerangi bansa Israel assulu' battu ri Mesir?”

KALAPPASSANG 31:5

untu' angkantisiki batu paramata eroka nipare' belo-belo; untu' angngukiriki kayua siagang sikamma belo-belo kayu maraengannaya.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:14

mingka musti anjorengko ri tampa' Napilea Batara. Anjoreng jako bawang musti ampassareangi koro'bang nitunua siagang anggaukangi anne apa kupassuroanga mae ri kau.

PAOLE 12:26

Sikontu koro'banga siagang passare le'baka nupa'janjiang mae ri Batara, musti nuerangi mange ri tampa' Napilea Batara.