2 PATTOTTORANG 2:4 - KITTA' MATANGKASA'

⁴ Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

2 PATTOTTORANG 2:4 ပူးပေါင်းရင်းမြစ်များ

1 KARAENG-KARAENG 5:5

Le'ba'mi a'janji Batara mae ri manggeku Daud angkana, ‘Ana' bura'nenu laKuangkaka' a'jari karaeng ansambeangko, iami lambangung tampa' passambayangang mae ri Nakke.’ Lanri kammana anjo, Karaeng Hiram mala'birika, inakke Salomo, le'ba'mi kutappuki untu' ambangungi anjo bangunanga.

1 KARAENG-KARAENG 8:18

Mingka Nakana Batara ri ia, ‘Bajiki anjo pattujunnu.

1 KARAENG-KARAENG 8:63

Untu' koro'bang pappasiamakkang assaremi Salomo 22.000 sapi siagang 120.000 gimbala'. Kammaminjo karaenga siagang sikontu ra'yaka appare'mi pa'gaukang untu' angresmikangi Balla'Na Batara.

1 PATTOTTORANG 22:5

Nagaukang ngasemmi Daud sikammaya anjo lanri napikkiriki angkana, “Musti kupasadiai apa niparalluanga untu' bangunanna Balla'Na Batara. Nasaba' Salomo anakku rungka iji siagang kurang iji pangalamanna. Nampa anjo Balla'Na Batara eroka nabangung musti sannaki ga'gana siagang masahoroki mae ri sikontu linoa.” Jari lalang tenanapa namate Daud, appasadiami jai sikali bahang bangunang.

2 PATTOTTORANG 13:11

Tunggala' bari'basa' siagang karueng attunui ke'nanga dupa siagang assarei koro'bang nitunu untu' Batara, kammayatompa appasadiai roti nipatala. Tunggala' bangngi ke'nanga apparinra kanjoli-kanjoli ri pa'dongkokang kanjoli bulaenga. Ikatte tuli mannurukiki' ri parenta-parentaNa Batara, mingka ikau ngaseng nubokoimi Batara.

2 PATTOTTORANG 2:1

Le'ba'mi natappuki Karaeng Salomo untu' ambangungi Balla'Na Batara, kammayatompa se're balla' karaeng untu' kalenna.

NEHEMIA 10:33

Lanapasadiai ikambe sikamma kaparalluanga untu' panynyombang ri Balla'Na Batara ri Yerusalem, iamintu: roti lanipatalaya, gandung passare allo-alloa, olo'-olo' untu' koro'bang nitunu allo-alloa, passare matangkasa' maraengannaya, koro'bang-koro'bang untu' nipammopporanna dosa Israel, siagang sikontu apa niparluanga untu' Balla'Na Batara ri Yerusalem.

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

PAMMUJI 96:4

Saba' malompoi Batara, siagang sanna' nipujiNa, musti nikamallakkangi la'biangngang nasikontu rewataya.

KALAPPASSANG 25:30

Anjo mejanga musti niboliki ri dallekanna Patti Parjanjianga, siagang musti tuli nia' sadia roti tattala irate ri anjo mejanga.”

KALAPPASSANG 30:7

Tunggala' bari'basa' ri wattunna battu Harun untu' appasadia lampu, musti natunui dupa mabauka rasanna irate ri anjo pattunuang dupaya.

PANGNGEBARANG 7:20

Angngerangi jai doe', siagang talammoterai lalanna rua daminggu.”