2 PATTOTTORANG 19:3 - KITTA' MATANGKASA'

³ Mingka manna nakamma nia' tongija apa baji' ri kalenta. Le'ba'mi Kipakabella sikontu patunna Dewi Asyera nasombaya ra'yaka siagang kiusahakang tommi anggaukangi ero'Na Allata'ala lalang tallasatta.”

2 PATTOTTORANG 19:3 ပူးပေါင်းရင်းမြစ်များ

1 KARAENG-KARAENG 14:13

Sikontu ra'ya' Israel lasusa ngasengi nampa natarawang. Iaji bawang kale-kalenna anggota kaluargana Yerobeam lanitarawang baji'-baji', nasaba' iaji bawang nipangngellai ri atinNa Batara, Allata'alana Israel.

2 PATTOTTORANG 11:16

Sikamma tau battua ri suku-suku Israel attojeng-tojenga ero' anynyomba ri Batara, Allata'alana Israel, amminawangi ri anjo tu Lewia sollanna akkulle assare koro'bang mae ri Batara, Allata'ala nasombaya boe-boena ke'nanga.

2 PATTOTTORANG 12:12

Lanri napakatunana kalenna karaenga ri dallekanNa Batara, kammayatompa lanri nia'na ija apa-apa baji' ri Yehuda, jari naummi larroNa Batara mae ri Rehabeam siagang tenamo nanipanraki tabasikali ri Batara.

2 PATTOTTORANG 12:14

Dorakai panggaukanna Rehabeam lanri tena nagaukangi ero'Na Batara.

2 PATTOTTORANG 15:12

A'janji ke'nanga mae ri Batara angkanaya lattojeng-tojengi atinna siagang pa'mai'na ke'nanga attallasa' situru' ero'Na Batara, Allata'alana boe-boena ke'nanga.

2 PATTOTTORANG 15:15

Sikontu ra'ya' Yehuda rannu kabusuki nyawana lanri le'ba'namo assumpa kamma anjo siagang attojeng-tojeng pa'mai'na. Sannangi nyawana ke'nanga anynyomba ri Batara, nampa Batara mangngellai todong antarimai ke'nanga. Napakaamangi siagang sannangi ke'nanga ri daerana.

2 PATTOTTORANG 20:3

A'jari malla'mi Yosafat nampa appala' doang untu' appala' pangngunju' battu ri Batara. Nampa naparentakang sollanna appuasa kabusu' sikontu ra'yaka.

2 PATTOTTORANG 20:33

Mingka tampa'-tampa' panynyombanga ri barhalaya tena nanaancuruki. Tenapa nattojeng-tojeng pa'mai'na ra'yaka anynyomba mae ri Allata'alana boe-boena ke'nanga.

2 PATTOTTORANG 22:9

Nampa nasuro taua amboyai Ahazia a'lampaya accokko anjo wattua ri Samaria. Nabuntulu'na Ahazia, nierammi mange ri Yehu nampa nibuno. Mingka manna nakamma nitarawang tonji ri ke'nanga lanri napakalompoi Karaeng Yosafat, toana attojeng-tojenga pa'mai'na anynyomba mae ri Batara. Tena tau battu ri kaluargana akkulle angngallei ammotere' kakoasang pamarentahanga.

2 PATTOTTORANG 27:6

Pila' a'jari jarre'mi kakoasanna Yotam lanri majarre'na tappa'na siagang mannurukinna mae ri Karaeng Allata'alana.

2 PATTOTTORANG 30:19

“O Batara, Allata'ala nasombaya boe-boena ikambe, dasi-dasi nalanri kabajikang pa'maitTa naKipamopporangi ke'nanga anne niaka attojeng-tojeng nyawana anynyomba mae ri Katte, manna pole natasiratanga ke'nanga lanri tenanapa natangkasi kalenna.”

EZRA 7:10

Napakkalepumi sikontu pikkiranna Ezra mae ri usaha untu' ampappilajari HukkunNa Batara, sollanna akkulle nagaukang siagang napangngajarrang sikontu katantuanna siagang paratoranna mae ri bansa Israel.

PAMMUJI 57:7

Natannangngia' sikko' musungku, natepoki sumangakku. Angngekei kali'bong ri oloangku, mingka kalenna ke'nanga tu'guru' antama'.

ROMA 7:18

Kuassemmi angkanaya tena sikalimo apa-apa baji' lalang ri batangkalengku, iamintu lalang ri sipa'-sipa' rupatauku. Nasaba' nia' erokku anggaukangi kabajikanga, mingka takkullea' anggaukangi.

1 SAMUEL 7:3

Nakanamo Samuel ri umma' Israel, “Punna erokko ammotere' mae ri Batara siagang anynyomba ri Ia siagang sikontu atinnu, musti nupela' ngasengi sikontu rewata battu-battua siagang patunna Dewi Asytoret. Passareang tabasikali kalennu mae ri Batara, siagang anynyomba mako mae ri Ia bawang, na Nalappassangko battu ri tu Filistin.”