2 PATTOTTORANG 18:9 - KITTA' MATANGKASA'

⁹ Anjo wattua massing napakei Ahab siagang Yosafat pakeang kalompoanna, ammempo ri empoang kakaraenganga ri ampi'na panggilingang gandunga ri dallekanna pakke'bu' lompona Samaria, nampa battu sikamma na'bia ampabattui kana tappuna ke'nanga.

2 PATTOTTORANG 18:9 ပူးပေါင်းရင်းမြစ်များ

2 PATTOTTORANG 18:10

Kalase'renna anjo na'bi-na'bia, iamintu niarenga Zedekia ana'na Kenaana, appareki tanru'-tanru' bassi nampa nakana ri Ahab, “Iaminne kananNa Batara, ‘Iaminne tanru'-tanru' kammaya lakipake andengkai tu Siria nampa kiancuru' ke'nanga.’ ”

2 PATTOTTORANG 18:29

Nakana Ahab ri Yosafat, “Erokka' ammakeang palusu' siagang amminawang a'bundu', mingka ikau pakemi pakeang kalompoannu.” Kammami anjo nammakeang palusu'mo karaeng Israel ri wattunna a'lampa mange a'bundu'.

2 PATTOTTORANG 18:8

Jari akkio'mi Ahab sitau pagawe balla' karaeng nampa nasuro akkaro-karo mange ambuntuli Mikha.

YESAYA 14:9

Assua'-suara'mi lino tau matea anruppai kabattuanna anjo karaeng Babel. Ambangummi sikamma nyawa tau koasaya riolo ri lino, siagang nyawana sikamma karaenga riolo ambangung tommi battu ri empoang kala'biranna ke'nanga.

YEHEZKIEL 26:16

Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

DANIEL 7:9

Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,

MATIUS 11:8

Apa ero' mange nucini' anjoreng? Tau ammake pakeang ga'ga? Niaki ri balla' lompona karaenga tau ammakeang ga'gaya!

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

MATIUS 6:29

u'rangi sai antekamma kalumanynyanna anjo Karaeng Salomo, mingka tenapa nabajikangang pakeanna naanjo bunga-bungaya!

RUT 4:1

A'lampai Boas mange ri tampa' passibuntulanga ri pakke'bu' lompona kotaya. Ammemponamo anjoreng, nia'mo allalo sitau bura'ne naassenga Boas angkanaya anjo taua bija ma'reppese' sikalina Elimelekh. Nakio'mi Boas anjo taua angkana, “Sari'battang, mae sako ammempo anrinni.” Battumi anjo taua, nampa ammempo.