2 PATTOTTORANG 18:4 - KITTA' MATANGKASA'

⁴ Mingka bajiki punna akkuta'nangki' rolong mae ri Batara.”

2 PATTOTTORANG 18:4 ပူးပေါင်းရင်းမြစ်များ

2 SAMUEL 2:1

Le'baki anjo akkuta'nammi Daud ri Batara angkana, “Apa Kikaerokangi nakua'lampa mange angkoasai kalase'renna kotaya ri Yehuda Batara?” Appialimi Batara, angkana, “Iyo”. Akkuta'nammi Daud angkana, “Kota kereanga?” Appialimi Batara, angkana, “Hebron”.

2 SAMUEL 5:19

Akkuta'nammi Daud ri Batara angkana, “Apa musti kubunduki anjo tu Filistin? Maka laKisarea' pammetang?” Appialimi Batara angkana, “Bundukimi. INakke lassareko pammetang.”

2 SAMUEL 5:23

Sikalipi pole Daud appala' pangngunju' ri Batara. Appialimi Batara angkana, “Teako bunduki ke'nanga battu anrinni, mingka a'jappako a'dete' siagang bundukimi ke'nanga battu ri boko, battu ri poko'-poko' kayu murbei.

2 PATTOTTORANG 18:3

Angkanai, “Erokko nakia'lampa siagang mange ambunduki Ramot?” Appialimi Yosafat angkana, “Baji'mi. La'gabungi tantaraku siagang tantaranu. Sipa'rurungangki' a'bundu'.

2 PATTOTTORANG 18:5

Jari appasse'remi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Allata'ala anjo kotaya mae ri katte.”

2 PATTOTTORANG 34:26

Mingka ri passala'na Karaeng Yosia, iaminne pasangku, Karaeng Allata'alana Israel: Ri le'ba'namo nulangngere' apa niaka tattulisi' lalang ri anjo kittaka,

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

YEREMIA 21:2

“Appalakko pitunju' battu ri Batara untu' ikatte, nasaba' nikurummi kotata ri Nebukadnezar karaeng Babel siagang pasukanna. Gassingka lappa'niaki gau' malompo Batara untu' ikatte, na Napassa Nebukadnezar ampamonoki ammotere' pasukanna.”

YEHEZKIEL 20:3

“He tau, a'bicarako siagang anjo sikamma pamimpinga siagang pauangi angkana iNakke, Batara Kaminang Tinggia, akkana kamma anne, ‘Barani sikaliko appala' pangngunju' mae ri Nakke! Lanri iNakke, Allata'ala mattallasaka, taeroKa' nipappalakki pangngunju' ri kau! INakke, Batara Kaminang Tinggia anne akkana.’

1 SAMUEL 23:2

Jari akkuta'nammi ri Batara angkana, “Mustika a'lampa' mange ambunduki tu Filistin?” Appialimi Batara angkana, “Iyo, bundukimi ke'nanga siagang pasalamaki pandudu'na kota Kehila.”

1 SAMUEL 23:4

Lanri kammana anjo sikalipi pole Daud appala' pitunju' battu ri Batara. Nampa appialimi pole angkana, “Teako mallakki. Bundukimi kota Kehila, nasaba' anjo tantara Filistin laKupassareangi mae ri kau.”