2 PATTOTTORANG 17:5 - KITTA' MATANGKASA'

⁵ Nasarei Batara Yosafat empoang kassa' salaku karaeng Yehuda. Sikontu ra'yaka assare kabusuki hadia mae ri ia nampa a'jari kalumanynyammo siagang nipakalompoi ri taua.

2 PATTOTTORANG 17:5 ပူးပေါင်းရင်းမြစ်များ

2 PATTOTTORANG 18:1

Ri wattunna akkalumanynyammo siagang masahoro'mo arenna Yosafat a'jari karaeng ri Yehuda, napa'buntimmi kalase'renna anggota kaluargana siagang kalase'renna anggota kaluargana Ahab karaeng Israel.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

PAMMUJI 127:1

Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

AYUB 42:12

Nibarakkakimi Ayub ri Allata'ala la'bi-la'biangngang pole lalang sesa tallasa'na, na ri tenanapa nale'ba' nituju ri bala. Nia' napatang Ayub barang-barang: 14.000 kayu gimbala', 6.000 kayu unta, 2.000 kayu sapi, siagang 1.000 kayu keledai.

2 PATTOTTORANG 32:23

Jaimi tau battu mange ri Yerusalem untu' angngerang passare mae ri Batara siagang hadia-hadia untu' Hizkia; sa'genna baku'na anjo wattua nikangngalikammi ri sikontu bansaya.

1 SAMUEL 10:27

Mingka nia'mo siapa are tau ja'dala' angkana, “Kemae lakkulle a'matu-matu anne taua mae ri katte?” Nacini' rawami ke'nanga anjo Saul siagang taerokai ke'nanga assarei hadia. Mingka assara-sarai Saul tanaassenga anjo kammaya.

PAMMUJI 68:29

Natuntuki Allata'ala kagassingannu; o, Allata'ala, pakajarreki apa le'baka Kigaukang mae ri kambe.

PAMMUJI 132:12

Punna tamamminraya ana'-ana'nu mae ri parjanjiangKu, siagang mannuruki ri sikamma parentaKu, jari untu' satunggu-tungguna turunganna ke'nanga lansambeangko a'jari karaeng.”

PAMMUJI 76:11

Manna tau sannaka palla'na mammuji todong ri Katte, siagang tau larroaija ammake kaeng karung tanra susana.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

2 PATTOTTORANG 9:27

Ri jammang pamarentahanna Salomo, anjo peraka sangkammaji barang-barang biasa ri Yerusalem, sangkamma batu, siagang kayu camara battua ri Libanon teai sipato' jaina sangkamma kayu ara biasa.

2 PATTOTTORANG 1:15

Ri wattu pamarentahanna Salomo, anjo bulaenga siagang peraka sanrapanji barang biasa ri Yerusalem, sangkamma batu; siagang kayu camaraya ri Libanon teai sipato' jaina sangkamma kayu ara biasaya.

1 KARAENG-KARAENG 10:27

Lalang jammang pamarentahanna Salomo, ri Yerusalem anjo peraka sangkammaji barang-barang biasa sangkamma batua. Siagang kayu camara Libanon alla'bi-la'bi jaina sangkamma kayu ara biasaya.

1 KARAENG-KARAENG 10:25

Massing battui ke'nanga angngerang hadia untu' Salomo. Massing assarei ke'nanga barang-barang pera', bulaeng, pakeang, sanjata, rampa-rampa, jarang siagang keledai. Kammaminjo taung-taung.

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

PA'JARIANG 13:2

A'jari kalumanynyang sikalimi Abram; jaimi gimbala'na, bembena, sapina, kammayatompa jaimi pera'na siagang bulaenna.

PANGNGEBARANG 16:12

Mae ri tukoasaya, nikanaya a'gau' ja'dala' iami karantassang, saba' jarreki pamarentahanna lanri kaadelang.