2 PATTOTTORANG 17:3 - KITTA' MATANGKASA'

³ Nabarakkaki Batara anjo Yosafat lanri naturuki apa nagaukanga manggena; tena nanynyomba ri Baal,

2 PATTOTTORANG 17:3 ပူးပေါင်းရင်းမြစ်များ

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

2 SAMUEL 5:10

Pila' sallo pila' kassa'mi Daud, lanri nitulungi ri Batara, Allata'ala Kaminang Koasaya.

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

1 KARAENG-KARAENG 11:6

Kammaminjo nadorakamo Salomo mae ri Batara. Daud, manggena Salomo mannuruki ri Batara situlusu' atinna, mingka Salomo tena nakamma.

1 KARAENG-KARAENG 22:43

Sangkamma Asa, manggena, nagaukangi apa bajika Yosafat ri dallekanNa Batara. Napa'lanynyaki battu ri kakaraenganna sikamma pasundala' bura'ne bainea, ia tugasaka ri tampa'-tampa' panynyombanga ri barhalaya, ia niakaija tassesa ri jammanna Asa, manggena. Mingka kalenna anjo tampa'-tampa' panynyombanga tena naancuruki. Tuli assareiji ra'yaka koro'bang siagang kamanynyang anjoreng. Yosafat appareki kappala'-kappala' Tarsis untu' angngalle bulaeng battu ri Ofir, mingka anjo kappala'-kappalaka tena nanjari assombala' lanri panraki ri Ezion-Geber. Napalaki Karaeng Ahazia battu ri Israel sollanna ana'-ana' kappala'na a'lampai siagang ana'-ana' kappala'na Yosafat assombala'. Mingka taerokai Yosafat, manna pole nabaji' passisambunganna siagang karaeng Israel. Nampa matemo Yosafat na nitarawang ri jera'na karaeng-karaenga ri Kota Daud. Yoram ana'na ansambeangi a'jari karaeng. Riwaya' maraengannaya ri sesena Yosafat, ri sesena kabaranianna, siagang sikamma pa'bundukang le'baka nagaukang le'ba'mi nicata' lalang ri kitta' Riwaya'na sikamma karaeng Yehuda. Ri anjo jammanga tena karaenna pa'rasangang Edom. Ammarentaya anjoreng iamintu sitau kapala daera.

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

2 KARAENG-KARAENG 14:3

Anjo Amazia nagaukangi apa napakassannanga pa'mai'Na Batara, mingka tenapa nasangkamma Daud boe-boena. Sangkamma todong manggena,

2 KARAENG-KARAENG 16:2

Anjo wattua 20 taung umuru'na siagang ammarentai ri Yerusalem 16 taung sallona. Tena naturuki panggaukang baji'na Karaeng Daud boe-boena, passangalinna nagaukangi apa tenaya Nangai Batara, Allata'alana.

2 KARAENG-KARAENG 18:3

Nagaukangi Hizkia apa Nangaia Batara sangkamma nagaukanga Daud boe-boena.

2 KARAENG-KARAENG 22:2

Yosia nagaukangi apa Nangaia Batara. Naturuki panggaukanna boena iamintu Karaeng Daud, siagang naturuki tojeng-tojengi sikontu hukkunNa Allata'ala.

1 PATTOTTORANG 22:18

Nakana, “Le'ba' mako Natulung Karaeng Allata'alanu, siagang Nasareko kasiamakkang kammayatompa kasannangngang ri sikontu pa'rasangang. Nasarema' pakkulle untu' ambetai sikontu bansa niaka riolo ammantang ri anne pa'rasanganga. Kamma-kamma anne tundu'mi ke'nanga ri kau siagang mae ri Batara.

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

2 PATTOTTORANG 17:2

Ammoliki tantara ri sikontu kota niaka tembo' pattahanganna ri Yehuda, ri daera pantara'na kota Yehuda, kammayatompa ri kota-kota le'baka nabeta manggena ri daera Efraim.

2 PATTOTTORANG 17:4

passangalinna anynyombai mae ri Allata'ala. Mannuruki mae ri parenta-parentaNa Allata'ala, siagang tena nakamma karaeng-karaeng Israel batena attallasa'.

2 PATTOTTORANG 20:32

Sangkamma todong Asa manggena, nagaukangi Yosafat gau' bajika ri paccini'Na Batara.

2 PATTOTTORANG 21:12

Nampa anggappamo Yehoram silawara' sura' natulisika Na'bi Elia lalang attallasa'na ija. Kammami anne bonena anjo suraka, “Batara, Allata'ala nasombaya Daud, anghukkungki' lanri tena nakituruki tallasa'na manggeta siagang toata.

2 PATTOTTORANG 22:9

Nampa nasuro taua amboyai Ahazia a'lampaya accokko anjo wattua ri Samaria. Nabuntulu'na Ahazia, nierammi mange ri Yehu nampa nibuno. Mingka manna nakamma nitarawang tonji ri ke'nanga lanri napakalompoi Karaeng Yosafat, toana attojeng-tojenga pa'mai'na anynyomba mae ri Batara. Tena tau battu ri kaluargana akkulle angngallei ammotere' kakoasang pamarentahanga.

2 PATTOTTORANG 27:6

Pila' a'jari jarre'mi kakoasanna Yotam lanri majarre'na tappa'na siagang mannurukinna mae ri Karaeng Allata'alana.

2 PATTOTTORANG 29:2

Nagaukangi Hizkia panggaukang Nangaia Batara sangkamma todong nagaukanga Daud boe-boena.

2 PATTOTTORANG 34:2

Nagaukangi apa Nangaia Batara; naturuki panggaukanna Karaeng Daud boe-boena, siagang naturuki sikontu hukkung-hukkunNa Allata'ala.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

KALAPPASSANG 4:12

Kamma-kamma anne a'lampamako, iNakke lantulungko a'bicara siagang langngajarakko apa mustia nupau.”

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

YEREMIA 2:23

Barani tojengko angkana tena nupalla', siagang tenale'bakako amminawang ri Rewata Baal! Ciniki gio'-gio'nu ri lappara'na ka'bunga, u'rangi kaja'dallannu siagang akuimi! Rapangko unta gana balereka, piti lari-lari takkulle nilewai,

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”

MATIUS 25:16

Anjo palayang annarimaya limassa'bu doe' ringgi' bulaeng, a'lampa memammi a'danggang; nanggappamo passawallang limassa'bu doe' ringgi' bulaeng.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

2 TIMOTIUS 4:22

Poro nirurungangko ri Batara. Poro nibarakkaki ngasengko ri Batara! Sallangku, Paulus

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

HAKING-HAKING 2:11

Nampa dorakamo bansa Israel mae ri Batara. Tenamo nanynyomba ke'nanga mae ri Batara, Allata'alana boe-boena ke'nanga, iamintu Allata'ala le'baka angngerangi ke'nanga assulu' battu ri butta Mesir. Appakkaramulami ke'nanga anynyomba mae ri rewata niarenga Baal siagang Asytoret kammayatompa rewata-rewata maraengannaya, nasombaya bansa-bansa niaka ri tammulilina ke'nanga. Jari larromi Batara mae ri ke'nanga. Na Nalappassammo garombolanga ambunduki siagang anrampoki ke'nanga. Natena sikali pakkullena ke'nanga andallekangi anjo musu-musu battua ri tammulilina ke'nanga.

HAKING-HAKING 2:18

Punna nia' Napassareang Batara se're pamimping mae ri bansa Israelka tuli Natulummi Batara anjo pamimpinga. Na lalang ri tallasa'na anjo pamimpinga, tuli nilappassanna ke'nanga battu ri musu-musunna. Mangngamaseangi mae ri ke'nanga punna Nalangngere' ke'nanga akkunrareng lanri nisessana siagang nijallakkanna ke'nanga.

HAKING-HAKING 6:12

Napappicinikammi kalenna anjo malaeka'Na Batara mae ri ia. Nampa nakana, “E, turungka patasa'! Narurungangko Batara!”

HAKING-HAKING 8:33

Ri matenamo Gideon, tenamo namajarre' tappa'na tu Israel mae ri Allata'ala. Anynyombami ke'nanga ri rewata-rewata Baal, siagang napare'mi anjo Baal-Berit a'jari rewatana ke'nanga.

1 SAMUEL 18:12

Naassemmi ri kalenna Saul angkanaya nila'langi ri Batara anjo Daud, nampa kalenna nibokoimi ri Batara. Lanri kammana anjo, a'jari malla'mi ri Daud.

1 SAMUEL 18:14

Nakullemi nagaukang anjo sikontu tugasa'na, lanri nitulungi ri Batara.

1 SAMUEL 18:5

Nagaukang baji'mi tugasa'na Daud, ia napassareanga Saul mae ri ia. Lanri kammana niangka'mi ri Saul a'jari perwira lalang ri tantarana. Na ningaimo Daud ri sikontu tantaraya siagang sikamma atanna Saul.