2 PATTOTTORANG 16:9 - KITTA' MATANGKASA'

⁹ Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

2 PATTOTTORANG 16:9 ပူးပေါင်းရင်းမြစ်များ

PA'JARIANG 31:28

Ba'lalo tena nanusarea' kasampatang untu' ambaui cucungku untu' a'jari pammatei passibokoi. Teai sipato' dongo'na panggaukannu!

2 SAMUEL 24:10

Mingka ri le'ba'namo nasuro bilang Daud anjo bansaya, naassemmi kalenna sala, nampa nakanamo mae ri Batara, “O, Batara, teai sipato' dorakaku! Kipammopporanga', lanri dongo'na anjo panggaukangku.”

1 KARAENG-KARAENG 15:32

Lalang pamarentahanna Karaeng Baesa battu ri Israel, masarroi kajariang pa'bundukanga iamintu Baesa siagang Karaeng Asa battu ri Yehuda.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

1 PATTOTTORANG 21:8

Appala' doammi Daud mae ri Allata'ala angkana, “O Allata'ala, teaimi sipato' dorakaku! Kipammopporanga', nasaba' sanna' dongo'na anjo panggaukangku.”

2 PATTOTTORANG 15:17

Manna natenapa naancuru' kabusuki Asa sikontu tampa' panynyombanga mae ri barhalaya ri anjo pa'rasanganga, mingka ia tena pamminrana tappa'na mae ri Batara lalang kabusu'na tallasa'na.

2 PATTOTTORANG 15:19

Sa'genna taung makatallumpulo allima ammarentana Asa tena le'bakami nia' pole pa'bundukang ri anjo pa'rasanganga.

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

2 PATTOTTORANG 19:9

Naparentakangi Yosafat mae ri anjo haking-hakinga angkana, “Gaukangi tugasa'nu lalang malla' ri Batara. Turuki parentaNa lalang sikontu apa nugaukanga.

2 PATTOTTORANG 6:20

Dasi-dasi naKijagai allo bangngi anne balla' le'baka Kipile a'jari tampa' panynyombang mae ri Katte. Dasi-dasi nabattu rate ri pammantanganTa ri suruga naKipilangngeria' siagang Kipamopporang dosaku siagang umma' Israel, iamintu ummatTa, punna andallekang ri anne ballaka siagang appala' doang mae ri Katte.

EZRA 5:5

Mingka niparhatikangi siagang nijagai ri Allata'ala anjo pamimping-pamimpinna tu Yahudia, sa'genna tenapa nangngalle tindakang sikamma pamarentana Persia ri anjo pa'rasanganga punna tenapa nale'ba' akkiring sura' ke'nanga siagang anggappa sura' balasang battu ri Karaeng Darius.

AYUB 28:24

saba' Ia naciniki cappa'-cappa'na linoa; yangasenna niaka rawanganna langika Najannangngi.

AYUB 31:4

Mattantu Naassengi Allata'ala sikontu panggaukangku; Nacini' ngasengi sikamma dakkaku.

AYUB 34:21

Najannangngi tallasa'na rupataua, Naciniki sikontu dakkana.

PAMMUJI 113:6

Mingka a'dundumi naung untu' anciniki langika siagang buttaya.

PAMMUJI 33:14

Battu ri empoang kala'biranNa Najannangngi Batara sikontu apa ammantanga ri lino.

PAMMUJI 33:15

Iami ampareki atinna ke'nanga, na Naasseng sikontu panggaukanna ke'nanga.

PAMMUJI 33:18

Najagai Batara tu mappilangngeria ia manrannuanga ri pangngamaseanNa.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

PAMMUJI 37:37

Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.

PANGNGEBARANG 15:3

Naciniki Batara sikontu apa kajarianga ri sikontu tampa'; Naparhatikangi sikontu apa bajika siagang ja'dalaka.

PANGNGEBARANG 5:21

Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

YEREMIA 5:1

He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

1 KORINTUS 15:36

Dongo' sikali anjo pakkuta'nanga! Punna a'lamungko bine naung ri buttaya, talattimboai anjo binea punna tamatea rolong anjo binea.

GALATIA 3:1

Sikamma sari'battangku niaka ri Galatia! Teai sipato' dongo'nu. Maka inai le'ba' angngajara' salako? Le'ba'mi kupakasingara' baji'-baji' mae ri kau battuanna anjo kamateanNa Almasi ri kayu sallika!

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

1 SAMUEL 13:13

Nalangngere'na Samuel anjo, nakanamo ri Saul, “Dongo' sikali anjo panggaukanta karaeng. Ebara' angkana kituruki parentaNa Karaeng Allata'ala mae ri katte, ma'nassa laNapattantui Batara angkana ikatte siagang turunganta la'jari karaeng situlusu'na.