2 PATTOTTORANG 16:4 - KITTA' MATANGKASA'

⁴ Nasitujui Karaeng Benhadad anjo pappala'na Karaeng Asa. Nasuromi perwira-perwira tantarana siagang pasukanna a'lampa mange ambunduki kota-kotana Israel. Nabetami ke'nanga kota-kota Iyon, Dan, Abel-Bet-Maakha siagang sikontu kota-kota pammolikanga ri Naftali.

2 PATTOTTORANG 16:4 ပူးပေါင်းရင်းမြစ်များ

PA'JARIANG 14:14

Nalangngere'na Abram angkanaya niallei kamanakanna, napasse'remi sikamma tau niaka ri kemana, iamintu sikamma tu cara'deka a'bundu', nia' 318 jaina tau. Nampa naondang ke'nanga anjo appaka karaeng sa'genna mange ri kota Dan.

1 KARAENG-KARAENG 15:20

Nasitujuimi Benhadad anjo pappala'na Asa. Nasuromi komandang-komandang tantarana siagang pasukanna ke'nanga mange ambunduki kota-kota Israel. Nabetami ke'nanga Iyon, Dan, Abel-Bet-Maakha, siagang Kinerot ri ampi'na Tamparang Galilea, kammayatompa sikontu daera Naftali.

1 KARAENG-KARAENG 9:19

kota-kota parsadiaanga, siagang kota-kota pammantanganna kareta pa'bundukanga siagang jaranna. Sikontu rancana pambangunanga ri Yerusalem, Libanon, siagang ri sikontu daera kakoasanna le'ba' ngasemmi najama.

2 KARAENG-KARAENG 16:9

Naturukimi karaeng Tiglat-Pileser anjo pappala'na Ahas, nampa nabunduki siagang naempoi Damsyik. Pandudu'na naengkaki a'jari tunitahang mange ri Kir, nampa karaenna iamintu Rezin, nabunoi.

2 PATTOTTORANG 16:3

“Umba kippare' passari'battangngang sangkamma todong le'baka nagaukang tau toata. Anne nia' kukiringangki' bulaeng siagang pera' salaku hadia; kukellaiki' antappuki passisambunganta siagang Baesa karaeng Israel, sollanna napaunduru' ammotere' pasukanna battu ri daeraku.”

2 PATTOTTORANG 16:5

Nalangngere'na Baesa anjo kabaraka, napammarimi ampakajarreki kota Rama nampa nabokoi anjo kotaya.

2 PATTOTTORANG 17:12

Kammami anjo napila' sallo pila' lompoi kakoasanna Karaeng Yosafat. Ri sikontu Yehuda ambangungi jai pattahangngang siagang kota-kota pammolikang bokong.

2 PATTOTTORANG 8:6

Kammayatompa nabangungi ammotere' kota Baalat, siagang sikontu kota pammolikang apa-apaya, kammayatompa pammantanganna kareta bunduka siagang jaranna. Sikontu rancana pambangunanna ri Yerusalem, ri Libanon siagang ri sikontu daera kakoasanna le'ba' kabusu'mi napa'le'ba'.

KALAPPASSANG 1:11

Jari angngangka'mi tu Mesir siapa are jaina pajaga mae ri bansa Israel untu' ampakasukkaraki katallassanna ke'nanga, iamintu nasuroi tu Israel anjama terasa'. Nipassai ke'nanga ambangungi kota Pitom siagang Raamses, untu' karaeng Mesir untu' a'jari pammolikang barang-barang.

YESAYA 9:1

Bansa attallasaka lalang ri sassanga lacciniki singara' lompo. Ia ammantanga lalang ri bayang-bayang kamateanga lanisingari ri cayana singaraka.

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

2 PETRUS 2:15

Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.