2 PATTOTTORANG 15:2 - KITTA' MATANGKASA'

² sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

2 PATTOTTORANG 15:2 ပူးပေါင်းရင်းမြစ်များ

1 KARAENG-KARAENG 11:25

Sangkamma Hadad, Karaeng Rezon namusu tongi Israel ri jammang attallasa'na Salomo, siagang nakacoi anjo pa'rasanganga.

1 KARAENG-KARAENG 18:18

Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

2 KARAENG-KARAENG 21:14

Pandudu'na nia' tassesa laKubalang parekangi nibeta ri musunna ia langngalleai siagang langngellakai pa'rasanganna ke'nanga.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

2 PATTOTTORANG 11:12

kammayatompa poke siagang pannangkisi'. Kammami anjo batena sa'genna anjo daera Yehuda siagang Benyamin tuli nia'na lalang kakoasanna.

2 PATTOTTORANG 12:5

Anjo wattua Karaeng Rehabeam siagang sikamma pamimpinna Yehuda nia'mi a'rappung ri Yerusalem lanri lari ke'nanga alliliangi Karaeng Sisak. Battumi Na'bi Semaya mae ri ke'nanga nampa angkana, “Kamma anne kananNa Batara, ‘Ikau ngaseng nubokoiA', jari kamma-kamma anne Kubokoi tommako, sa'gennu nikoasaimo ri Sisak.’ ”

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

2 PATTOTTORANG 13:4

Assidallekangi anjo ruaya pasukang ri daera monconna Efraim. Naiki Abia ri Moncong Zemaraim nampa a'gora mae ri Yerobeam siagang tu Israel angkana, “Pilangngeri ngasengi!

2 PATTOTTORANG 15:15

Sikontu ra'ya' Yehuda rannu kabusuki nyawana lanri le'ba'namo assumpa kamma anjo siagang attojeng-tojeng pa'mai'na. Sannangi nyawana ke'nanga anynyomba ri Batara, nampa Batara mangngellai todong antarimai ke'nanga. Napakaamangi siagang sannangi ke'nanga ri daerana.

2 PATTOTTORANG 15:4

Mingka ri wattu nia'na ke'nanga lalang ri kasukkarang, appala' tulungi ke'nanga ri Batara, Allata'alana Israel. Appalaki ke'nanga pangngunju' nampa nisare.

2 PATTOTTORANG 20:15

nampa angkana, “O Karaeng mala'birikku siagang sikamma sari'battangku niaka hadere'. Angkanai Batara angkanaya teako tappu' minasai yareka teako mallakki andallekangi anjo tantara jaia. Nasaba' teai ikau la'bundu', passangalinna Allata'ala.

2 PATTOTTORANG 20:17

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

2 PATTOTTORANG 24:20

Nampa battumo RohNa Allata'ala angkoasai Zakharia ana'na Imang Yoyada. Majumi Zakharia ri dallekanna ra'yaka nampa akkio' angkana, “Nakana Karaeng Allata'ala, ‘Angngapa natena numannuruki ri parenta-parentaKu siagang nucilakai kalennu. Tenamo nujampangiA', jari tena tommo naKujampangiko!’ ”

2 PATTOTTORANG 26:5

Zakharia a'jari gurunna ri passala' katappakkanna mae ri Batara. Lalang attallasa'na ija Zakharia, majarreki tappa'na Uzia siagang anynyombai ri Batara sa'genna nibarakkaki ri Batara.

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

2 PATTOTTORANG 33:11

Lanri kammana anjo Napabattumi Batara sikamma panglima tantarana Asyur untu' ambunduki tu Yehuda. Nijakkala'mi Manasye siagang pakkai', nampa nisikko' siagang nierang mange ri Babel.

2 PATTOTTORANG 33:12

Lalang nakasia'namo anjo sessaya napakatunami kalenna ri dallekanNa Karaeng Allata'alana, nampa appala' doang appala' pannulung.

2 PATTOTTORANG 34:3

Narapi'namo 8 taung sallona ammarenta, ri umuru' rungka dudua iji, appakkaramulami Yosia anynyomba mae ri Allata'ala nasombaya Karaeng Daud boe-boena. Narapiki patang taung ribokoanganna, appakkaramulami naancuru' tampa'-tampa' panynyombang barhalaya, patung-patung Dewi Asyera, siagang barhala-barhala maraengannaya.

EZRA 8:22

Angngalika' appala' tantara a'jarang mae ri karaenga untu' anjagai ikambe battu ri musua lalang pa'jappanga. Nasaba' le'ba'mi kupau ri ia angkana Nabarakkaki Allata'alana ikambe sikamma tau anynyombaya ri Ia siagang Nakabirisi na Nahukkung sikamma tau tenaya najarre' tappa'na mae ri Ia.

PAMMUJI 34:4

Malompoi Batara niaka anrurunganga', umba kissama-sama ampakala'biriki arenNa.

PAMMUJI 53:2

Tau dongoka nakana lalang ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki; tena nia' anggaukangi bajika.

YESAYA 45:19

Tena Kuccokko-cokko a'bicara, yareka a'bicara rahasia. Tena Kusuroi ummakKu Israel sia-sia amboyai KalengKu. INakke, Batara, Makkana tojeng, siagang ampaui apa annabaya.”

YESAYA 51:1

Nakana Batara: “PilangngeriA', he ikau ngaseng tau eroka nipasalama' siagang battua mae ri Nakke appala' pannulung. U'rangi angkanaya battu ri moncong batu kemaeko nipa', siagang battu ri pangngekeang batu kemaeko nikeke.

YESAYA 7:13

Nampa nakanamo Na'bi Yesaya, “Punna kamma, pilangngeri he turunganna Daud! Tenaka nangganna' le'ba'na nuso'ri kasa'barranna rupataua, sa'genna nuso'ri todong kasa'barranNa Allata'alaku?

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

AMOS 5:14

Appattujuang mako a'gau' baji' siagang tea' mako a'gau' ja'dalaki, sollannu akkulle attallasa'. Na Batara Kaminang Koasaya ma'nassa lammantang tojengi ri tangnga-tangnganu sangkamma nukananga.

ZAKHARIA 1:3

Mingka kamma-kamma anne Kukana mae ri kau ngaseng: Ammotere' mako mae ri Nakke, naKuammotere' todong mae ri kau ngaseng.

PAMMILANGNGANG 14:42

Teako mangei a'bundu'! Lanibetako ri musu-musunnu lanri tena Narurungangko Batara.

PAMMILANGNGANG 14:43

Ri wattunnu assidallekang sallang siagang anjo tu Amalek siagang tu Kanaan, lamateko lalang pa'bundukang. Tena nalaNarurungangko Batara, lanri taero'nu mannuruki ri Ia.”

MATIUS 13:9

Le'ba'na Nacarita Isa anjo pangngebaranga, Nakanamo Isa ri ke'nanga, “Inai-nai nia' tolinna, pilangngerimi baji'-baji'!”

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

YOSUA 22:31

Nampa nakanamo Pinehas, ana'na Imang Eleazar, mae ri anjo tu suku Ruben, suku Gad siagang suku Manasye rayaya, “Kamma-kamma anne naassemmi ikambe angkanaya Narurungangki' Batara, lanri tenana nuangngewa mae ri Ia. Nupasalama'mi umma' Israel battu ri hukkunganNa Batara.”

PAPPICINI' 2:11

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, tena sikali nalasessa apa-apa ri kamateang makaruaya.”

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”

PAPPICINI' 2:29

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

PAPPICINI' 3:13

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

PAPPICINI' 3:22

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

PAPPICINI' 3:6

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

HAKING-HAKING 10:13

Mingka manna nakamma, ba'lalo nubokoi tonjA' nunampa mange anynyomba ri rewata-rewataya. Kamma-kamma anne taerokaMa' allappassangko.

HAKING-HAKING 9:7

Nalangngere'na Yotam anjo passalaka, mangemi ammenteng ri cappa'na Moncong Gerizim. Nampa akkio' mange ri yangaseng anjo taua, angkana, “Pilangngeria' ikau ngaseng tuniaka ri Sikhem, sollanna napilangngeri todong Allata'ala.

1 SAMUEL 12:14

Mate'ne mako punna nupakala'biri' Batara, siagang anynyomba mae ri Ia, kammayatompa nuturuki parentaNa, sarroangampa punna ikau ngaseng siagang karaennu tuli tamamminrayako mae ri Karaeng Allata'alanu.

1 SAMUEL 12:15

Mingka, punna tena numappilangngeri ri Batara, ba'lalo nubaliangi parentaNa, ma'nassa ikau ngaseng siagang karaennu laNabaliangko Batara.