2 PATTOTTORANG 13:9 - KITTA' MATANGKASA'

⁹ Sai le'ba'mi nubongka imang-imanNa Batara, iamintu jari-jarina Harun siagang tu Lewi? Na sambenna iamintu inai-nai sambarang ero' a'jari imang, assala' angngerangi sikayu sapi yareka tuju kayu gimbala'. Nupa'jari imang teai untu' Allata'ala, nasaba' memang kammami anjo batena bansa-bansa maraenga angngangkaki imanna ke'nanga. Mingka ikatte tena nigaukangi kammaya anjo.

2 PATTOTTORANG 13:9 ပူးပေါင်းရင်းမြစ်များ

1 KARAENG-KARAENG 13:33

Karaeng Yerobeam tuli tena naero' ambokoi panggaukang ja'dala'na. Untu' angngurusuki anjo tampa'-tampa' sambayang le'baka napaenteng, tulusu' imang-imang battu ri kaluarga biasaya napile. Inai-nai ero', iami naangka' a'jari imang.

2 KARAENG-KARAENG 19:18

Manna rewata-rewatana ke'nanga natunu tongi siagang naancuruki, lanri anjo rewata-rewata kammaya tena sikali kakoasanna. Anjo ke'nanga poro patung kayuji siagang batuji, iamintu bate pare'na rupataua.

2 PATTOTTORANG 13:10

Ikatte tuli anynyombata mae ri Karaeng Allata'alata siagang tena kima'boko ri Ia. Ikatte imang-imanta tuli jari-jarina Harun siagang tuli tu Lewi pambantuna ke'nanga.

2 PATTOTTORANG 29:31

Le'baki anjo nakanamo Hizkia, “Lanri kamma-kamma anne le'ba' kabusu' mako nitangkasi untu' Batara, jari salaku tanra sukkuru'nu, musti angngerangko koro'bang mae ri Balla'Na Batara.” Nampa sikontu tau hadereka anjoreng massing naerammi anjo passarea, ba'lalo nia' todong battu ri ero' kalenna tonji nangngerang olo'-olo' untu' nipassareang salaku koro'bang nitunu.

KALAPPASSANG 29:1

“Kammaminne carana nilanti' Harun siagang ana'-ana'na sollanna akkulle ke'nanga allayaniA' salaku imang. Angngalleko sikayu sapi laki rungkaya siagang ruang kayu gimbala' laki tenaya caca'na.

KALAPPASSANG 29:29

Pakeang ibadana Harun musti nasossorangi mae ri ana'-ana'na, sollanna akkulle napake ke'nanga ri wattunna nilanti'.

KALAPPASSANG 29:35

Anjo upacara palantikanna Harun siagang ana'-ana'na musti tuju alloi nigaukang, kamma le'baka Kuparentakang mae ri kau.

KALAPPASSANG 32:29

Nakana Musa mae ri suku Lewi, “Anne alloa nusa'la'mi kalennu untu' a'jari imang allayaniai Batara lanri nubunomi ana'-anaka siagang sikamma sari'battannu; jari Nasare mako barakka'Na Batara.”

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

YEREMIA 5:7

Nakana Batara, “Angngapa namusti Kupammopporang dosa-dosana ummakKu? NabokoiMa' ke'nanga siagang anynyombami ke'nanga ri tenaya na Allata'ala. Kusarei ke'nanga kanre sa'genna bassoro', mingka kammaji a'gau' bawanna, siagang masarroi a'lampa ke'nanga mange ri baine pasundalaka.

HOSEA 8:6

Anjo sapi bulaeng nisombaya ri Samaria bate pare'na sikamma tau cara'de'na tu Israel! Anjo kammaya teai Allata'ala, siagang musti niancuruki!

KAIMANGNGANG 16:32

Imang Lompoa, ia le'bakamo nilanti' siagang nisa'la' untu' Allata'ala ansambeangi manggena, musti nagaukangi anjo upacara pannangkasia. Musti napakei pakeang tugasa'na,

KAIMANGNGANG 8:2

“Kioki Harun siagang sikamma ana'na siagang erangi pakeang imanga, minynya' upacaraya, sikayu sapi laki rungka untu' koro'bang pammopporang dosa, ruang kayu gimbala' laki siagang sibaku' roti tenaya nammake pa'gambang.

LAMPA-LAMPANA 19:26

Na kamma-kamma anne massing nucini'mi siagang massing nulangngere'mi, apa nagaukanga anjo Paulus. Napaui angkana anjo rewata-rewata napareka rupataua tena sikali nakkulle nikana rewata. Najaimo tau akkulle a'jari tappa' ri anjo pangngajaranna; tena na ri Efesus bawang mingka a'birimmi a'la'bang todong ri sikontu daera Asia.

GALATIA 4:8

Riolo tanuassengai Allata'ala. Iaminjo saba'na nu'jari atamo mae ri koasa-koasa nikanaya allata'ala, mingka sikontutojenna teai Allata'ala tojeng-tojeng.

PAOLE 32:17

Assarei ke'nanga koro'bang mae ri roh-roh ja'dalaka teai mae ri Allata'ala, mae ri rewata-rewata takontutojeng, taniassenga siagang tanipakala'biri'ka ri boe-boena riolo.