2 PATTOTTORANG 13:5 - KITTA' MATANGKASA'

⁵ Nuassengi angkanaya le'baki Batara, Allata'alana Israel appare' janji mae ri Daud, angkanaya ia siagang jari-jarina lammarenta ri Israel sa'genna satunggu-tungguna. Anjo janjia tena le'bakai nipinra.

2 PATTOTTORANG 13:5 ပူးပေါင်းရင်းမြစ်များ

2 SAMUEL 10:13

Majumi Yoab siagang pasukanna a'bundu', sa'genna larimo tantara Siria.

1 KARAENG-KARAENG 8:20

Kamma-kamma anne Narupaimi janjinNa Batara. A'jari karaemma' ansambeangi manggeku, siagang le'ba' tomma' ambangung balla' untu' tampa' passambayangngang mae ri Batara, Allata'alana Israel.

1 PATTOTTORANG 17:11

Sallang, punna narapi' a'jala'nu nanitarawangko ri pa'jerakkanna boe-boenu, sitau ana' bura'nenu laKuangka' a'jari karaeng. Iami lampabangungangA' balla'. LaKupakajarreki kakaraenganna, siagang nia' turunganna lammarenta a'jari karaeng sa'genna satunggu-tungguna.

1 PATTOTTORANG 17:14

Anjo ana' bura'nenu Kupilea laKupa'jari karaengi mae ri ummakKu siagang lasa'genna satunggu-tungguna kakaraenganna; na ana' cucunna lammarenta a'jari karaeng.’ ”

2 PATTOTTORANG 6:16

Le'ba' tommaKi' a'janji mae ri manggeku angkanaya punna attojeng-tojengi jari-jarina mannuruki ri hukkung-hukkunTa sangkamma todong ia, ma'nassa nia' sitau battu ri anjo jari-jarina lammarenta salaku karaeng ri Israel sa'genna satunggu-tungguna. Kamma-kamma anne, o Karaeng Allata'alana Israel, poro Kirupai ngaseng tollalomi apa le'baka Kipa'janjiang mae ri anjo manggeku Daud, atanTa.

NEHEMIA 5:9

Nampa kukanamo pole, “Kodi anjo panggaukannu! Mustina mallakko lalang tallasa'nu mae ri Allata'ala. Lanri kammana, anjo musunta tenaya allata'alana, tenamo nusarei kasampatang untu' anghinaki'.

PANGNGEBARANG 1:29

Sangkamma ngasengko tau tenaya nale'ba' nungai anggappa pangngassengang, kammayatompa limpuruki bukunnu mannuruki ri Batara.

YEREMIA 33:26

kammatommi anjo latuli Kuta'galaki parjanjiangKu siagang jari-jarina Yakub, siagang atangKu Daud. Nia' sitau battu ri jari-jarina Daud laKupile untu' ammarenta ri jari-jarina Abraham, Ishak, siagang Yakub. LamangngamaseangA' mae ri ummakKu, siagang Kupa'jari kalumanynyangi ammotere' ke'nanga.”

YEHEZKIEL 43:24

Nampa nuerang mae ri Nakke. Sikamma imanga musti appakioroki ce'la irateanna anjo ruaya olo'-olo' siagang natunui a'jari koro'bang untu' iNakke.

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

KAIMANGNGANG 2:13

Tunggala' koro'bang nipatalaya musti nice'lai, lanri anjo ce'laya a'jari pammatei ri parjanjianNa Allata'ala siagang ikau ngaseng. Jari sikontu anjo passarea musti nice'lai.

PAMMILANGNGANG 18:19

Sa'genna satunggu-tungguna, sikontu passare nisa'la' naeranga tu Israel mae ri Nakke, Kupassareangi mae ri kau siagang mae ri sikamma ana'nu bura'ne baine. Anne paratoranga nipakei sa'genna satunggu-tungguna siagang a'jari passikko' parjanjiang tenaya nakkulle nipinra, battu ri Nakke siagang ikau na jari-jarinu.”

2 PETRUS 3:5

Napakkunjungiangi taeroka ke'nanga angngassengi angkanaya langika siagang buttaya nipa'jari la'bi riolo tete ri kananNa Allata'ala; angkanaya je'ne' siagang battu ri je'neki nipa'jari buttaya;

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 16:12

Nampa nasuromo Isai mae angkioki anjo anaka. Niassemmi angkanaya anjo anaka se're turungka gammara' siagang bajiki kalenna, siagang ga'gai matanna. Nampa Nakanamo Batara ri Samuel, “Iaminne taunna. Minynyakimi na nuangka'!”