2 PATTOTTORANG 13:2 - KITTA' MATANGKASA'

² siagang tallun taungi ammarenta ri Yerusalem. Amma'na iamintu Mikhaya ana'na Uriel battu ri kota Gibea. Nampa jarimo bunduka, iamintu Abia sipa'bali Yerobeam.

2 PATTOTTORANG 13:2 ပူးပေါင်းရင်းမြစ်များ

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

1 KARAENG-KARAENG 14:20

Ruampulo anrua taung sallona ammarenta Yerobeam salaku karaeng, nampa mate na nitarawang. Ana'na niarenga Nadab ansambeangi a'jari karaeng.

1 KARAENG-KARAENG 15:2

siagang tallun taungi ammarenta ri Yerusalem. Amma'na iamintu Maakha, ana'na Abisalom.

2 PATTOTTORANG 11:20

Nampa a'bunting Rehabeam siagang Maakha ana'na Absalom. Anggappai ke'nanga appa' ana' bura'ne iamintu: Abia, Atai, Ziza siagang Selomit.

2 PATTOTTORANG 12:15

Pau-pauanna pamarentahanna Rehabeam battu ri pakaramulanna sa'genna kala'busang kammayatompa pattottoranna niaki nicata' lalang ri kitta' Pau-pauanna Na'bi Semaya siagang lalang ri kitta' Pau-pauanna Na'bi Ido. Tuli nia'na pa'bundukang ri Rehabeam a'bali Yerobeam.

2 PATTOTTORANG 13:3

Abia napagioki tantarana 400.000, nampa Yerobeam napagio' tongi tantarana 800.000 jaina.

HAKING-HAKING 19:14

Jari a'jappa tulusu'mi ke'nanga na tammaria ri Yebus. Labumi alloa ri wattunna battu ke'nanga mange ri Gibea, ri daerana suku Benyamin.

HAKING-HAKING 19:16

Lalang ammempona ke'nanga ri lapanganna kotaya, nia'mo battu se're tau toa beru ammotereka battu ri kokonna anjama. Anjo taua sitojenna tau battu ri daera pa'bulukanna Efraim, mingka kamma-kamma anne ammantammi ri Gibea. (Pandudu' maraenga ri Gibea iamintu tu Benyamin).

1 SAMUEL 10:26

Saul ammotere' tommi mae ri balla'na ri Gibea, nirurungang ri siapa are jaina tugammara' na barani siagang le'bakamo nipagio' atinna ri Batara.