2 PATTOTTORANG 12:3 - KITTA' MATANGKASA'

³ siagang 1.200 kareta bundu', 60.000 tantara a'jarang, kammayatompa pasukang sannaka jaina sa'genna takkullea nirekeng, kammayami pasukang Libia, Suki siagang Sudan, untu' ambunduki tu Yerusalem.

2 PATTOTTORANG 12:3 ပူးပေါင်းရင်းမြစ်များ

2 SAMUEL 10:18

Mingka nitunrungi ri tu Israel tantarana tu Siria. Daud siagang pasukanna nabunoi 700 tau paerang kareta pa'bundukang, siagang 40.000 tau tantara a'jarang; pantaranganna anjo Sobakh, panglima tantarana musua sarring tongi loko'na sa'genna mate ri tampa' pa'bundukanga.

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

2 PATTOTTORANG 14:12

Nampa majumo Asa siagang tantara Yehuda ambunduki tantara Sudan. Nabetami Batara anjo tantara Sudan sa'genna lari kabusu'mo ke'nanga.

2 PATTOTTORANG 14:8

Tantarana Karaeng Asa iamintu nia' 300.000 tu Yehuda ammakea poke siagang pannangkisi', siagang 280.000 tu Benyamin ammakea sanjata pana, anrong pana siagang pannangkisi'. Kabusu'na ke'nanga sangnging tantara barani siagang le'ba' nilati.

2 PATTOTTORANG 14:9

Ri se'reang wattu nia' se're tau battu ri Sudan niareng Zerah battu ambunduki tu Yehuda. Angngerangi pasukang 1.000.000 tantara siagang 300 kareta bundu'. Majui ke'nanga sa'genna narapi' Maresa bellana.

2 PATTOTTORANG 16:8

Sai anjo tantarana tu Sudan siagang Libia la'bi lompoangangi siagang la'bi jaiangangi kareta bundu'na siagang tantara pajaranna? Na manna kamma mamo Nasarejako pammetang Batara mae ri ke'nanga, lanri tanjengko mae ri Ia.

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

YEHEZKIEL 30:5

Lalang ri anjo pa'bundukanga lanibuno tommi sikamma tantara nisewaya battu ri Sudan, Lidia, Libia, Arab, Kub siagang ba'lalo battu ri bansa KalengKu.”

DANIEL 11:43

Lanarampasaki barang-baranna Mesir kammayami bulaeng, pera' siagang barang-barang maraengannaya tinggi sikalia anggaranna. Lanibantui ri tu Libia siagang tu Sudan.

NAHUM 3:9

Tebe ammarentai mae ri Sudan siagang Mesir, na koasana tena sanggana; Libia siagang Put naagangi sita'gala'.

PAPPICINI' 9:16

Nipauamma' angkana nia' ruambilangngang juta jaina anjo pasukang a'jaranga.

HAKING-HAKING 4:13

akkaro-karomi napa'rappungang anjo salapang bilangnganga kareta bundu' bassina. Kammayatompa napasse're tommi sikontu tantarana. Nampa naerang ke'nanga battu ri Haroset-Hagoyim mange ri Binanga Kison.

HAKING-HAKING 6:5

Pila' sanna' jaina tu battu angngerangi olo'-olo'na siagang appare'mi kema ke'nanga, sanna' jaina. Punna lanirekengi sanna' sikali jaina ke'nanga, kammayatompa onta-ontana ke'nanga sanna' todong jaina. Battumi ke'nanga ampanra'-panraki anjo pa'rasanganna tu Israel.

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.