2 PATTOTTORANG 11:4 - KITTA' MATANGKASA'

⁴ “Teako bunduki anjo sikamma sari'battannu tu Israel. Ammotere' kabusukko! INakke angkaerokangi anjo apa kajarianga.” Jari naturukimi ke'nanga anjo parentaNa Batara, siagang tanjariami ke'nanga a'lampa mange ambunduki Yerobeam.

2 PATTOTTORANG 11:4 ပူးပေါင်းရင်းမြစ်များ

PA'JARIANG 13:8

Nakanamo Abram ri Lot, “Ikatte anne tau sibijaki'. Tabajikai punna a'besere' taunnu siagang taungku.

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

2 SAMUEL 2:26

Battu anjoreng akkio'mi Abner mae ri Yoab angkana, “Apa musti tuli a'bundukki'? Tenaka nanuu'rangi angkanaya anne bunduka poro angngeranna kapa'risang? Ikambe anne sari'battang julu bansanu. Siapapi sallonu ero' attayang lalang tenanapa nanuparentakangi ana' buanu sollanna ammari angngondangi ikambe?”

1 KARAENG-KARAENG 22:36

La'birinnamo labu alloa, niparentakammi sikontu pasukang Israel ammotere' ri kotaya siagang massing mange ri daerana,

2 PATTOTTORANG 11:3

ampabattui mae ri Rehabeam siagang ri sikontu tau niaka ri suku Yehuda siagang Benyamin, anne pasang angkanaya,

PAMMUJI 33:11

Mingka rancanaNa Batara tuli attahanna, majarreki apa le'baka Narancang sila'busu'na jammanga.

HOSEA 8:4

Ammilei ke'nanga karaeng natena nappitangara' mae ri Nakke. Angngangkaki pamimping natena napalaki passitujuangKu. Naallei bulaenna siagang pera'na ke'nanga nampa appare' patung barhala angngeranga kaancurang mae ri kalenna ke'nanga.

LAMPA-LAMPANA 7:26

Ammukona nia'mo pole narapikang rua tu Israel assiba'ji. Naallemi nasa'lakki nampa napa'dame ke'nanga. Nakana ri ke'nanga, ‘Ikau antu tau assari'battangko. Apa saba'na nuero' assiba'ji?’

IBRANI 13:1

Paralluki' tuli sikamaseang salaku tu Karisteng assari'battanga.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.