2 PATTOTTORANG 10:2 - KITTA' MATANGKASA'

² Anjo wattua nia' iji Yerobeam ana'na Nebat ri Mesir lanri lari napakamma malla' ri Karaeng Salomo. Nalangngere'na kabara'na Rehabeam, ammotere'mi mange ri Israel.

2 PATTOTTORANG 10:2 ပူးပေါင်းရင်းမြစ်များ

1 KARAENG-KARAENG 11:26

Tau maraenga, ia angngewayai Salomo, iamintu sitau pagawena niarenga Yerobeam. Ia ana'na Nebat battu ri Zereda ri Efraim. Amma'na jandami, niarenga Zerua.

1 KARAENG-KARAENG 11:28

anjama tongi Yerobeam anjoreng. Ri wattunna nacini' Salomo angkanaya cara'deki siagang rajengi anjo Yerobeam anjama, nasaremi tanggong jawa' untu' angngawasi tunjama nipassaya ri daera suku Manasye siagang Efraim.

1 KARAENG-KARAENG 11:40

Ri wattunna battu anjo kabaraka mange ri Salomo, usahami ero' ambunoi Yerobeam. Mingka larimi Yerobeam mange ri Karaeng Sisak ri Mesir, nampa ammantang anjoreng sa'genna mate Salomo.

1 KARAENG-KARAENG 12:2

Anjo wattua Yerobeam ana'na Nebat nia' iji ri Mesir lanri larina battu ri Karaeng Salomo. Ri wattu nalangngere'na kabara'na Rehabeam, ammotere'mi mange ri Israel.

2 PATTOTTORANG 10:3

Nikioki Yerobeam ri ra'ya' niaka ri bageang wara', nampa a'lampa siagang ke'nanga mange andallekang ri Rehabeam. Nakana ke'nanga,

2 PATTOTTORANG 9:29

Pau-pau maraengannaya ri passala'na Karaeng Salomo sa'genna kala'busanna niaki nicata' lalang ri kitta' Pau-pauanna Na'bi Natan siagang lalang ri kitta' Kana tappu riolona Ahia tu Silo, siagang lalang ri kitta' Pappicini' Na'bi Ido, niaka todong napau pau-pauanna pamarentahanna Yerobeam karaeng Israel.