2 PATTOTTORANG 1:12 - KITTA' MATANGKASA'

¹² Lanri kammana anjo laKusareko kacara'dekang baji' siagang pangngassengang. Pantaranganna anjo laKupa'jari coppongi katallassannu, la'bi kalumanynyang siagang la'bi masahoro' na karaeng maraengannaya, baji' karaeng allaloa kammayatompa karaeng labattua.”

2 PATTOTTORANG 1:12 ပူးပေါင်းရင်းမြစ်များ

1 KARAENG-KARAENG 10:24

Sikontu taua ri sikontu linoa usahai untu' angngagangi assibuntulu' Salomo untu' ampilangngeri pangngajara' pangngassengang mabajika, ia nisareangiai ri Allata'ala.

1 PATTOTTORANG 29:12

Sikontu kakalumanynyanganga siagang kasalewanganga iKatte ngaseng nakabattui; sikontu-kontuna iKatte ngaseng angkoasai lalang kagassinganTa siagang kakoasanTa; iKatte makoasa ampa'jari manna inai-nai a'jari tau lompo siagang magassing.

1 PATTOTTORANG 29:25

Napa'jarimi Batara sikontu ra'yaka angngali' mae ri Salomo, siagang Napa'jarimi Salomo karaeng poreanganga na karaeng maraengannaya, sikamma le'baka ammarenta ri Israel.

2 PATTOTTORANG 9:22

La'bi kalumanynyanna siagang cara'de'na Karaeng Salomo na karaeng manna pole battu kemae.

NEHEMIA 13:26

Kukana, “Sai iatommi anne dosa kammaya nagaukang Karaeng Salomo? Tena karaeng lompoangngang naia ri anne linoa. Nikamaseangi ri Allata'ala siagang nipa'jari karaeng ri sikontu bansa Israel. Mingka manna nakamma, ninyonyo'mi ri bai'-baine bansa maraeng untu' a'gau' dosa.

KATO'BA 2:9

Tojenga', inakkemi kaminang malompo ri sikamma le'baka ammantang ri Yerusalem, siagang tena anrateangngangi kacara'dekangku.

KATO'BA 5:19

Nabonei Allata'ala sa'genna rassi pa'mai'na taua anjo siagang karannuang; jari tena nalussa' annawa-nawai ri passala' sinampe'naja anne tallasaka.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.