2 KORINTUS 9:9 - KITTA' MATANGKASA'

⁹ Ri passala'na Allata'ala nia' tattulisi' lalang ri Kittaka angkanaya, “Appakio'-kioroki mae ri tu kasi-asia; mannannungangi kabajikang pa'mai'Na.”

2 KORINTUS 9:9 ပူးပေါင်းရင်းမြစ်များ

PAMMUJI 112:3

Lakalumanynyangi siagang lacoppongi kaluargana, siagang lasalewangangi satunggu-tungguna.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PANGNGEBARANG 21:21

Inai usaha sollanna nigaukang kaadelanga siagang mangngamaseanga, langgappai kasalewangang, kalompoang, siagang la'bu umuru'.

PANGNGEBARANG 8:18

Ri nakke sadiai pakkalumanynyangnganga kammayatompa kalompoanga siagang kacopponganga.

YESAYA 51:8

Lapanraki ke'nanga siagang lalanynyaki, rapang pakeang nakanre kacoa' siagang kaeng bulu gimbala' nikanre ri taisang. Mingka kasalamakkang Kupassareanga tuli nia'na satunggu-tungguna, a'jari pammetangKu sa'genna sikontu turungang.”

1 KORINTUS 13:13

Jari kamma-kamma anne nia' tallunrupa parallu nigaukang iamintu: matappa', ma'minasa siagang mangngamaseang; na ia Kaminang Lompoa ri anne tallua, iamintu, mangngamaseanga ri tau maraengang.

2 KORINTUS 9:10

Allata'ala ampasadiai bine napakioroka taua siagang kanre niparalluia. Ia tommi ampasadiai siagang ampa'jari jai anjo bine le'baka nupakioro', sa'genna katambang todong wassele'na anjo apa le'baka nupa'lammorang.