2 KORINTUS 9:5 - KITTA' MATANGKASA'

⁵ Iaminjo saba'na naparallu kusuro a'lampa riolo anjo ke'nanga mae ri kau, angngurusuki anjo sumbangang le'baka nupa'janjiang. Kammami anjo kugaukang sollanna punna battua' sallang, sadiami anjo sumbangannu. Lanri kammana, a'nassami angkanaya tena nabattala' passangalinna te'nei pa'mai'nu ampassareangi anjo sumbanganga.

2 KORINTUS 9:5 ပူးပေါင်းရင်းမြစ်များ

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

2 KARAENG-KARAENG 5:15

Nampa ammotere'mo siagang sikontu paeranna mange ri Elisa. Nakanamo Naaman ri Elisa, “Kamma-kamma anne kuassemmi angkanaya ri sikontu anne linoa se'reji bawang Allata'ala, iamintu Allata'ala nisombaya ri tu Israel. Lanri kammana anjo kuminasai nakiero' antarimai anne passareku.”

1 KORINTUS 16:2

Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

2 KORINTUS 8:6

Iaminjo nasanna' kukellaina Titus – le'baka ampakaramulai anne jama-jamanga – sollanna napannarrusu' todong anne jama-jamang bajika ri tangnga-tangnganu ngaseng.

2 KORINTUS 9:3

Kamma-kamma anne kusuromi Titus siagang anjo rua sari'battanga battu mae ri kau ngaseng. Sollanna akkulle a'butti anjo kalompoang pa'mai' le'baka nacarita ikambe teai poro carita bawang. Jari, paralluko sadia, nasaba' le'ba'mi kupau ri ke'nanga angkanaya sadia ngaseng mako.

2 KORINTUS 9:6

U'rangi laloi! Angkanaya inai-nai a'lamung sike'de', sike'de' tonji wassele' lanagappa. Mingka inai a'lamung jai, lajai tongi wassele' nagappa.

FILIPI 4:17

Mingka tena nakukana tuli erokkuji bawang annarima passare. Ia kukaerokia, iamintu: sollanna akkulle kucini' sikamma wassele' akkullea antambai kaupakkannu.

HAKING-HAKING 1:15

Appialimi Akhsa angkana, “Erokka' siapa are jaina timbuseng je'ne' nasaba' anjo tampa' napassareanga manggeku mae ri nakke, niaki ri daera kalotoroka buttana.” Jari nisaremi ri Kaleb timbuseng je'ne' niaka ri cappa' ratena binanga siagang timbuseng je'ne' niaka ri cappa' rawana binangaya.

1 SAMUEL 25:27

Kitarimami anne passare naeranga atanta untu' karaengku siagang ana' buana karaengku.

1 SAMUEL 30:26

Ri wattunna ammotere' Daud mange ri Ziklag, nakirimmi sipa'gang anjo barang-barang nirampasaka mae ri sikamma pamimpinga ri kota-kota Yehuda le'baka ambantui, nanakana, “Iaminne hadia untu' ikau, iamintu barang-barang narampasaka ikambe battu ri musunNa Batara.”