2 KORINTUS 9:13 - KITTA' MATANGKASA'

¹³ Na battu ri iami anjo kabajikang nupappicinikanga, najaimo tu Karisteng ri Yudea lamammuji mae ri Allata'ala. Lanri nacini'na ke'nanga antekamma jarre'nu mae ri Kabara' Baji' nupinawanga, iamintu ri sesena Almasi. Kammayatompa mammujimi ke'nanga ri Allata'ala lanri lammoro'na pa'mai'nu ambage-bagei ke'nanga siagang tau maraenga, apa-apa niaka ri kau.

2 KORINTUS 9:13 ပူးပေါင်းရင်းမြစ်များ

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

MATIUS 9:8

Ri wattunna nacini'mo tau jaia anjo apa kajarianga, malla' ngasemmi ke'nanga; nammuji-mujimo ke'nanga ri Allata'ala, lanri Napa'nyatanamo Allata'ala koasa kammaya lompona mae ri tu linoa.

LUKAS 6:46

“Angngapa nukkio', ‘Batara, Batara’ ri Nakke, mingka taerokako anggaukangi apa Kupaua ri kau?

YOHANES 15:8

Punna jai rapponnu, nipakala'biriki ManggeKu; na lanri kammana minjo nu'jari tojeng-tojemmo ana'-ana' gurungKu.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

LAMPA-LAMPANA 4:21

Takkulleami anggappa alasang manna sirupa anjo anggota-anggota sidanga ri pangadelanga, untu' anghukkungi Petrus siagang Yohanes. Jari nagaratta'mi ke'nanga anjo tau ruaya, nampa nalappassang, nasaba' ammuji-muji ri Allata'ala tau jaia passabakkang anjo kajarianga.

ROMA 10:16

Mingka tayangasenna taua antarimai anjo Kabara' Bajika. Nasaba' nakana Na'bi Yesaya, “O, Batara, inaika tau ampatappaki biritta napabattua ikambe?”

ROMA 12:8

Tau niaka pakkullena untu' ampakajarreki paranna tau, musti napakajarre' tojeng-tojengi paranna tau. Tau niaka pakkullena untu' assarei apa-apanna paranna tau, musti lammoro' pa'maiki, situru' siratannaya assare ri paranna tau. Tau niaka pakkullena untu' ammimping, musti ammimping tojeng-tojengi. Tau niaka pakkullena untu' ampappicinikangi pangngamaseanna mae ri paranna tau, musti napappicinikangi anjo pangngamaseanna situlusu' pa'mai'na mae ri paranna tau.

ROMA 15:31

Pappala' doanganga' sollangku akkulle ta'lappasa' battu ri limanna tau tenaya natappa' ri pa'rasangang Yudea; kammayatompa sollanna akkulle kupajappa tugasakku ampabattui anjo sumbanganga mae ri Yerusalem, siagang natarima baji' ke'nanga siagang te'ne pa'mai'.

ROMA 16:26

Mingka kamma-kamma anne, situru' passuroNa Allata'ala mannannunganga, le'ba'mi nipa'nyata siagang nipabattu anjo rancanaya mae ri sikontu bansa-bansaya, iamintu le'baka natulisi' na'bi-na'bia, sollanna tappa' ngaseng siagang mannuruki ngaseng ke'nanga mae ri Allata'ala.

2 KORINTUS 10:5

kammayatompa anruntungi pa'ballakang katampoanna ke'nanga, eroka angngewai katojenganNa Allata'ala. Iami nipake ampadundui pikkiranna sikamma rupataua, sa'genna amminawang turu' mae ri Almasi.

2 KORINTUS 2:12

Ri wattungku battu mange ri Troas ero' ambirittakangi Kabara' Baji' ri passala'na Almasi, Nasungkeamma' oloang Batara anggaukangi anjo jama-jamanga anjoreng.

2 KORINTUS 8:4

Tanisuroai, nakalenna tonji ke'nanga ampala' dudui sollanna akkulle todong ke'nanga amminawang turu' ansarei sumbangang Umma'Na Allata'ala ri pa'rasangang Yudea.

2 KORINTUS 9:14

Na lanapappala' doangangko siagang pa'mai' mangngarimangngi mae ri kau, lanri sanna' baji'Na Allata'ala mae ri kau.

GALATIA 1:24

Jari, ammuji-mujimi ke'nanga ri Allata'ala, passabakkang inakke.

1 TIMOTIUS 6:12

Usaha tojeng-tojengko untu' apa nupatappaka salaku tu Karisteng, kammayatompa parallui nugappa hadia sitojennaya siagang mannannunganga. Nasaba' untu' iaminjo Nanakiokko Allata'ala ri wattunna numangakui ri dallekanna taua angkanaya tappa' mako mae ri Almasi.

1 TIMOTIUS 6:13

Na kamma-kamma anne, ri dallekanNa Allata'ala assarea nyawa sikontu apa-apa attallasaka kammayatompa ri dallekanNa Isa Almasi assarea kasa'biang tojeng mae ri Pontius Pilatus, iaminne kuparentakanga mae ri kau:

IBRANI 10:23

Paralluko anna'gala' jarre' mae ri panrannuang le'baka nimangakui, nasaba' tappakki' angkanaya laNarupai janjinNa Allata'ala.

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

IBRANI 4:14

Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

RUT 2:19

Nakanamo Naomi mae ri ia, “Kemae nugappa ngaseng anne sikammaya jaina? Ri kokonnako inai anjama anne alloa? Tapporo nibarakkaki ri Allata'ala anjo tau a'gau' bajika mae ri kau!” Jari nacarita ngasemmi Rut mae ri Naomi angkanaya anjo koko napattampakkia anrappung gandung iamintu kokonna sitau bura'ne niarenga Boas.