2 KORINTUS 8:3 - KITTA' MATANGKASA'

³ Kalengku anciniki antekamma batena napikulle-kullei ke'nanga assare, ba'lalo la'biangampa pole na ri pakkullena ke'nanga.

2 KORINTUS 8:3 ပူးပေါင်းရင်းမြစ်များ

1 PATTOTTORANG 29:9

Ra'yaka rella tommi atinna assare ri Batara siagang rannumi pa'mai'na ke'nanga lanri jaina apa akkulle napassareang ke'nanga. Sanna' tommi rannuna pa'mai'na Karaeng Daud.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

KALAPPASSANG 35:5

Erangi passarenu mae ri Batara. Inai nipagio' atinna, musti assarei bulaeng, pera', siagang tambaga;

MARKUS 14:8

Anne bainea le'ba'mi nagaukang apa akkullea nagaukang. Lanri naminynya'-minynyakingKu, napasadiaMa' lanitarawang genteng tenanapa narapiki wattunna.

LAMPA-LAMPANA 11:29

Jari assamaturu'mi sikamma tau tappaka ri Isa, ero' appikatu sumbangang mae ri sikontu sari'battang niaka ammantang ri Yudea; massing appikatumi ke'nanga situru' pakkullena.

ROMA 10:2

Barania' ampaui angkana sanna' lompona sumanga'na ke'nanga anynyomba mae ri Allata'ala. Mingka anjo sumanga'na ke'nanga tena nasituru' pangngassengang battua ri Allata'ala.

1 KORINTUS 16:2

Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

1 KORINTUS 9:17

Ebara' angkana battu ri ero' kalengku nakugaukang anjo jama-jamanga, akkulle memanga' attayang gaji. Mingka iaji nakubirittakang anjo Kabara' Bajika lanri nisuro memang tonga'. Allata'ala assarea' tugasa' anggaukangi anjo jamanga.

GALATIA 4:15

Sanna' te'nena pa'mai'nu anjo wattua. Mingka kamma-kamma anne, kemaemi anjo te'nenu? Kuassengi angkanaya anjo wattua ka'de' akkulle kapang, manna matannu ero' tonjako angkocciki assulu' nampa nupassareang mae ri nakke.

FILIPI 2:13

nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

KOLOSE 4:13

Kalengku ansa'bi antekamma batena anjama terasa' untu' ikau ngaseng siagang sikamma tau niaka ri Laodikia siagang Hierapolis.

1 TESALONIKA 2:8

Lanri kikarimangnginnu, kiero'mo assareangko tena naanjo Kabara' Baji' battua ri Allata'ala bawang, passangalinna katallassanna pole ikambe. Lanri teai sipato' kikarimangnginnu.

FILEMON 1:14

Mingka tena kuero' anggaukangi anjo kammaya punna tenapa nanusitujui rolong. La'bi kungaiangangi punna kalennu todong rella anggaukangi anjo kammaya; tena nakuero' ampassako.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.