2 KORINTUS 8:23 - KITTA' MATANGKASA'

²³ Na passala'na Titus, iami agang bajikku, kuaganga sipanjama-jamang ambantu ngasengko. Kammayatompa anjo sari'battanga ruaya, niaka anrurungangi Titus, iami ke'nanga tau nisuroa ri sikamma jama'aka, siagang nikarannuanga untu' Almasi.

2 KORINTUS 8:23 ပူးပေါင်းရင်းမြစ်များ

LUKAS 5:10

Kammayatompa agang-aganna Simon, iamintu Yakobus siagang Yohanes, ana'na Zebedeus. Nakanamo Isa ri Simon, “Teako mallakki! Pakkaramula ri kamma-kammaya anne la'jariko sanrapang pajala tau.”

LUKAS 5:7

Jari appala' tulummi ri agang-aganna ke'nanga niaka ri biseang maraenga. Battumi agang-aganna ke'nanga nampa nabonei juku' biseanna ke'nanga. Rassi rua-ruai anjo biseanna ke'nanga, sa'genna a'birimmo tallang anjo biseanga napakamma jaina juku'.

YOHANES 13:16

Annaba tojengi anne kanangKu: tena olona lala'birangang se'rea ata na karaenna; siagang tena olona lala'birangang se'rea tunisuro na tau assuroa.

1 KORINTUS 11:7

Tena naparallu tu bura'-bura'nea natongko' ulunna, nasaba' iami sanrapang carammeng ampappicinikangai KalenNa siagang kalompoanNa Allata'ala. Mingka tu bai'-bainea a'jarimi sanrapang carammeng ampappicinikangai kalompoanna tu bura'-bura'nena,

2 KORINTUS 12:18

Kusuromi Titus a'lampa angkunjungiko, siagang kusuro tongi anjo sari'battang Karisteng maraenga anrurungangi. Maka nia' passawallang naalle Titus battu ri kau? Inakke siagang Titus a'julu pa'maikka' anjama-jama, siagang sangkamma-kammai bateku anjama!

2 KORINTUS 7:6

Mingka sukkurukki', lanri tuli nipakalompona ri Allata'ala atinna tu tappu' panrannuanga; Iami ampakasannangi atinna ikambe ri wattu battuna Titus mae ri kambe.

2 KORINTUS 8:16

Teai sipato' sukkuru'na ikambe mae ri Allata'ala nasaba' nisarena todong pakkulle Titus attojeng-tojeng ambantu ngasengko!

2 KORINTUS 8:18

Nia' todong sitau naagang a'rurung kusuro mae ri kau. Iamintu tau sannaka nipakalompona ri sikamma jama'aka, lanri jama-jamanna ambirittakangi Kabara' Baji' battua ri Allata'ala.

2 KORINTUS 8:19

Pantarangannaya pole, anjo taua ngaseng le'ba' tommi nipile siagang nipattantu ri jama'aka untu' amminawang ri kambe lalang ri pa'lampanna ikambe. Nasaba' eroki ikambe a'lampa ampabattui anjo sumbanganga; sollanna nipakala'biri' Batara, kammayatompa nanuasseng ngaseng angkanaya rella tongi ikambe annulung.

2 KORINTUS 8:22

Nia' pole sitau sari'battang maraeng kusuro todong amminawang ri Titus siagang anjo sari'battanga. A'mole-molemi niuji anjo sari'battanga, na'buttimo angkanaya nangai annulunga. Na kamma-kamma anne, la'bi-la'bi pole ero'na ambantu ngasengko, nasaba' nia'na panrannuang lompona mae ri kau ngaseng.

2 KORINTUS 8:6

Iaminjo nasanna' kukellaina Titus – le'baka ampakaramulai anne jama-jamanga – sollanna napannarrusu' todong anne jama-jamang bajika ri tangnga-tangnganu ngaseng.

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.

FILIPI 4:3

Kupala' tongi mae ri sikamma bela majarrekku, sollanna nubantu anjo baine ruaya. Le'ba'mi ke'nanga anjama terasa' siagang inakke untu' ambirittakangi Kabara' Baji' battua ri Allata'ala; sangkamma Klemen siagang sikamma sari'battang maraengannaya kuaganga ngaseng sipanjamang. Nia'mi areng-arenna ke'nanga tattulisi' lalang ri Kitta'na Tau Attallasaka.

KOLOSE 1:7

Anjo birittaya Epafras ampabattui mae ri kau, bela nakamaseanga ikambe. Ia pajama-jamaNa Almasi, attojeng-tojenga anjama untu' kaparalluanta.

1 TESALONIKA 2:2

Nuassengi angkanaya ri tenanapa nabattu ikambe mange ri kau ngaseng ri Tesalonika, le'ba'mi ikambe nisessa siagang nihina ri Filipi. Mingka manna najai tau ammusui ikambe, le'ba'mi nisare kabaraniang ikambe ri Allata'alata untu' ambirittakangi mae ri kau ngaseng Kabara' Baji' battua ri Ia.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

TITUS 1:4

Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

FILEMON 1:17

Lanri kammana, tarimami ammotere', nanupare' sari'battang paranta tu Karisteng. Tarimami anne Onesimus sangkamma angkana inakkemi nutarima.

FILEMON 1:24

Tarima tommi sallanna agangku ngaseng iamintu: Markus, Aristarkhus, Demas siagang Lukas.

3 YOHANES 1:8

Lanri kammana, ikatte tu Karistenga musti nitulungi paranta tu Karisteng kammaya anjo, sollanta akkulle amminawang turu' lalang ri usahana ke'nanga, iamintu untu' ampa'la'bangi biritta tojeng battua ri Allata'ala.