2 KORINTUS 8:21 - KITTA' MATANGKASA'

²¹ Nasaba' paralluki' a'gau' lambusu' ri dallekanNa Batara siagang ri dallekanna rupataua.

2 KORINTUS 8:21 ပူးပေါင်းရင်းမြစ်များ

1 KARAENG-KARAENG 18:34

nakanamo Elia, “Sikalipi”. Kammaminjo nagaukammi ke'nanga. Nakanamoseng Elia, “Sikalipi”, siagang nagaukammi ke'nanga kammaya.

PANGNGEBARANG 3:4

sollannu ningai siagang nipakala'biri' ri Allata'ala siagang ri rupataua.

MATIUS 23:5

Sikontu anjo apa nagaukanga ke'nanga poro ero'naja napappicini'-cinikang ri taua. Napakkunjung-kunjungiammi ke'nanga ammake soro'bang siagang juba turunga!

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

MATIUS 6:1

“U'rangi, teako gaukangi apa napassuroanga agamanu ri dallekanna tau jaia, lanri ero'nu ampappiassengangi ri tau jaia. Punna kamma anjo batenu appanggaukang, mattantu tena nulanggappa pahala battu ri Allata'ala Manggenu niaka ri suruga.

MATIUS 6:4

Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”

ROMA 12:17

Punna nia' tau a'gau' ja'dala' mae ri kalennu, teako balasaki siagang kaja'dallang. Gaukangi apa nakanaya ngaseng taua baji'.

ROMA 14:18

Inai-nai kamma anjo batena allayani mae ri Almasi, iami lanikarannuang ri atinNa Allata'ala, kammayatompa nipakalompo ri sikamma tau maraenga.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 8:20

Parallui tutu ikambe ri passala'na anne sumbanganga. Sollanna tenanniakka tau ampasalai ikambe ri nipabattuna anne sumbangang jai kammaya.

2 KORINTUS 8:22

Nia' pole sitau sari'battang maraeng kusuro todong amminawang ri Titus siagang anjo sari'battanga. A'mole-molemi niuji anjo sari'battanga, na'buttimo angkanaya nangai annulunga. Na kamma-kamma anne, la'bi-la'bi pole ero'na ambantu ngasengko, nasaba' nia'na panrannuang lompona mae ri kau ngaseng.

FILIPI 4:8

Na kala'busanna, sari'battangku ngaseng, parallui nubonei pikkirannu siagang apa-apa niaka anggaranna, siratanga nipuji, iamintu: apa-apa annabaya, mala'birika, adeleka, matangkasaka, mate'nea, siagang bajika.

1 TESALONIKA 5:22

Pakabellai kalennu battu ri sangka' rupaya kaja'dallang.

1 TIMOTIUS 3:7

Musti tau nipau bajika arenna lalang ri tangnga-tangngana tau jaia; nasaba' punna tena nakamma, gassingka lanihinaji ri taua, sa'genna tu'guru' antama' ri kalo'bang natannanga Billisika.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

RUT 3:14

Jari attinromi Rut anjoreng, ri ampi' bangkenna Boas. Ammukona, ri bari'basa' duduna ija, ambangummi Rut, sollanna tanicinika ri taua. Nasaba' taerokai Boas angkanaya nia' tau angngassengi angkanaya niaki Rut battu mae anjoreng ri anjo tampaka.