2 KORINTUS 8:12 - KITTA' MATANGKASA'

¹² Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

2 KORINTUS 8:12 ပူးပေါင်းရင်းမြစ်များ

2 PATTOTTORANG 6:8

Mingka Nakana Batara ri ia, ‘Anjo pattujunnu bajiki.

KALAPPASSANG 25:2

“Suroi tu Israel angngerang passare mae ri Nakke. Inai-nai ta'gio' atinna, musti angngerangi passare

KALAPPASSANG 35:24

Sikamma tau akkullea assare pera' yareka tambaga, naerangi untu' napassareang mae ri Batara. Kamma tomminjo nagaukang sikamma tau niaka kayu akasiana untu' anjo jamanga.

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

KALAPPASSANG 35:5

Erangi passarenu mae ri Batara. Inai nipagio' atinna, musti assarei bulaeng, pera', siagang tambaga;

PANGNGEBARANG 19:22

Sipa' nitayanga battu ri se'rea tau iamintu tamamminrana. Bajikangngangi kasi-asia kala a'jari paballe-ballea.

MATIUS 25:17

Kamma tomminjo nagaukanga palayang annarimaya ruassa'bu doe' ringgi' bulaeng; nanggappamo passawallang ruassa'bu doe' ringgi' bulaeng.

MATIUS 25:22

Nampa battu tommi anjo palayang annarimaya ruassa'bu doe' ringgi' bulaeng. Nakana ri karaenga, ‘O karaeng, ruassa'bu doe' ringgi' bulaeng le'ba' kisareanga'. Kicini' minne, nia' kugappa ruassa'bu passawallang.’

LUKAS 16:10

Inai-nai akkulle nipatappa' ri passala' apa ca'di-ca'dia iami akkulle tongi nipatappa' ri passala' apa-apa lompoanganga. Mingka inai-nai takkullea nipatappa' ri passala' apa ca'di-ca'dia, takkullea tongi nipatappa' ri passala' apa-apa lompoanganga.

2 KORINTUS 8:11

Jari, kamma-kamma anne pannarrusu'mi anne jama-jamanga situru' pakkullenu. Parallui nulompoi sumanga'nu ampa'le'baki anne jama-jamanga, sangkamma lompona todong sumanga'nu ri wattunna nampa nunawa-nawa anne jama-jamanga.

2 KORINTUS 8:13

Mingka tena sikali nakuero' ampalili tau maraenga ri anne passalaka, nampa ikau kubattalli. Passangalinna parallui massing sambattala'. Nasaba' kamma-kamma anne massing ganna'-ganna' ngaseng mako ri kaparalluannu; jari siratang mako ampa'gannaki kakuranganna ke'nanga. Punna ikau kakurangang sallang, na ke'nanga massing ganna'-ganna', ke'nanga tosseng ambantuko. Jari lanri kammana anjo, para silayani mako.

2 KORINTUS 8:19

Pantarangannaya pole, anjo taua ngaseng le'ba' tommi nipile siagang nipattantu ri jama'aka untu' amminawang ri kambe lalang ri pa'lampanna ikambe. Nasaba' eroki ikambe a'lampa ampabattui anjo sumbanganga; sollanna nipakala'biri' Batara, kammayatompa nanuasseng ngaseng angkanaya rella tongi ikambe annulung.

2 KORINTUS 9:7

Parallui taua massing assare siagang te'ne pa'mai'na. Teako assarei siagang bata-bata yareka battala' pa'mai'. Nasaba' nikarimangngi ri Allata'ala tau te'nea pa'mai'na assare.

1 PETRUS 4:10

Massing annarima ngaseng mako passare pakkulle battu ri Allata'ala; anjo passarea tena nasangkamma-kamma. Lanri kammana, urusu' bajiki anjo passareNa Allata'ala; parallui massing nupake anjo pakkullea untu' kaparalluang nupa'juluia ngaseng.