2 KORINTUS 7:15 - KITTA' MATANGKASA'

¹⁵ Kamma-kamma anne pila' lompomi pangngamaseanna mae ri kau ngaseng. Nasaba' nau'rangi antekamma ero'nu ngaseng ampilangngeri kananna. Kammayatompa lompona ngaseng pangngali'nu mae ri ia ri wattunna nutarima.

2 KORINTUS 7:15 ပူးပေါင်းရင်းမြစ်များ

PA'JARIANG 43:30

Tanatahangngami pa'mai'na Yusuf napakamma nakku'na siagang mangngamaseanna ri andi'na. Sike'de' mami tanakullea naparrangngi kalenna. Jari sikali a'lampami linta' battu ri anjo tampaka, nampa antama ri kamara'na angngarru'.

1 KARAENG-KARAENG 3:26

Nalangngere'na anjo parentaya, nakanamo amma' sitojennaya anjo anaka, “Pammopporanga' karaeng, teaki' bunoi anjo anaka. Kipassareang mami mae ri ia.” Nakkana kamma anjo bainea lanri sanna' nakarimangnginna anjo anaka. Mingka anjo baine se'reanga nakana, “Iye', polong mami, lappassammi manna sitau ri kambe tena ngaseng nanggappa!”

EZRA 10:9

Le'baki tallungallo, ri tanggala' ruampulo, sikontu tu bura'ne niaka ammamtang ri daera Yehuda siagang Benyamin, battumi mange ri Yerusalem nampa a'rappungang ke'nanga ri parang lakkenna Balla'Na Batara ri Yerusalem. Anjo wattua bosi sannaki. Annekkere' ngasemmi taua napakamma dinging siagang napakamma paralluna anjo passirapakkanga.

EZRA 9:4

Tulusu' ammempoma' sa'genna narapi' wattu passare koro'bang karuenga. Nampa battumo taua angkulilingia'. Nabattuimi malla' ke'nanga nau'ranginna ancanganna Allata'alana Israel mae ri dosana anjo sikamma tau ammoterekamo battu ri pa'rasangang pammelakkanga.

AYUB 21:6

Punna kunawa-nawa anne tallasakku annekkere'ma' lanri malla' duduku.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 2:11

Manynyombako ri Batara numannuruki,

KELONG MALA'BIRI' 5:4

A'dumba'-dumbaki pa'maikku lanri nata'gala'na tanringku ta'gallang pakke'buka.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

HOSEA 13:1

Riolo nipakalompoi suku Efraim sa'genna punna nia' parenta battu ri anjo sukua, malla' ngasengi suku-suku maraenga ri Israel. Mingka dorakami suku Efraim lanri anynyombana ri Rewata Baal, lanri kammana anjo lalanynyaki.

YOHANES 16:21

Punna nia' sitau baine la'biring ammana', lasusai, nasaba' narapi'mi wattunna lasessa. Mingka kamma lassu'na ana'na, nakaluppaimi pa'risi'na anjo bainea napakamma rannu, lanri lassu'namo anjo ana'na antama' ri lino.

LAMPA-LAMPANA 16:29

Appala'mi lampu anjo kapala tarungkua nampa lari antama'. Annekkere'mi nakkulantu' anynyomba ri dallekanna Paulus siagang Silas.

1 KORINTUS 2:3

Sanna' lammana kalengku siagang annekkerekka' napakamma malla' ri wattungku nia' ri tangnga-tangnganu ngaseng.

2 KORINTUS 2:9

Nakukiring anne suraka mae ri kau, lanri ero'na kuasseng angkanaya maka ero' jako tuli anturuki apa-apa kupaua mae ri kau.

2 KORINTUS 6:12

Nasungke luara'mi atinna ikambe mae ri kau, mingka ikau ngaseng mami antongkoki atinnu mae ri kambe.

EFESUS 6:5

Ikau a'jari pajamaya! Turuki parentana pinggawanu ri anne linoa. Gaukangi anjo parentana siagang lompo pangngali', malla', kammayatompa attojeng-tojeng, sanrapang angkanaya anjo sikammaya nugaukangi mae ri KalenNa Almasi.

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

2 TESALONIKA 3:14

Nakulle kapang nia' tau taeroka anturuki anne apa napabattua ikambe lalang ri anne suraka. Tutuko ri anjo tau kammaya; teako eroki assierang-erang siagang anjo tau kammaya sollanna a'jari siri'-siri',

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?