2 KORINTUS 7:11 - KITTA' MATANGKASA'

¹¹ Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.

2 KORINTUS 7:11 ပူးပေါင်းရင်းမြစ်များ

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

PAMMUJI 119:139

A'barai kamma pepe' larroku lalang ri kalengku lanri nakaluppai musungku ajaranTa.

PAMMUJI 130:6

Nakkuka' ri Batara, la'biangngang na paronda nakkuka ri bari'basa'.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 2:11

Manynyombako ri Batara numannuruki,

PAMMUJI 35:13

Ri wattunna garring ke'nanga, si'nai pa'maikku kutangnganrea; appala' doanga', kupadundu ulungku,

PAMMUJI 38:9

Ancuru'ma' siagang tenamo kagassingangku, akkunrarenga' lanri lussa'na pa'maikku.

PAMMUJI 42:1

Untu' pamimpin pakelong. Kelong pangngajarang golongang Korah.

PAMMUJI 69:9

A'jaria' sanrapang bansa maraeng mae ri bija pammanakangku, sanrapang tau battu pantara' mae ri daengku na andikku.

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 28:14

Tuli pakalompoi Batara, na nulamate'ne. Punna nubaliangi, langgappako bala.

KELONG MALA'BIRI' 8:6

Pa'jaria rappo ri atinnu, teako nia' maraeng nuraka' pantaranganna inakke; lanri anjo passingaianga sangkammai kassa'na kamateanga, na anjo napasua makoasai rapang kamateang. Rinrana rapangi rinrana pepeka a'rinra sannaka heba'na.

YESAYA 26:8

Mannuruki ikambe ri kaputusanTa, o Batara, siagang mattayang-tayang ri Katte; iKattemi napuji siagang nakanakkukang atinna ikambe.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

DANIEL 6:14

Nampa nakanamo ke'nanga ri karaenga, “Daniel, kalase'renna tunipelaka battu ri Yehuda, tena najampangiki' karaeng, siagang nabawang-bawangngangi parentata. Ta'atoroki appala' doang tappintallu siallo.”

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

YOHANES 2:17

Nau'rangimi ana'-ana' gurunNa apa niaka tattulisi' lalang ri Kittaka angkanaya, “O Allata'ala, ia pangngaiKu ri BallatTa, sanrapangi pepe' akkanrea ri atingKu.”

LAMPA-LAMPANA 17:16

Lalang natayanna Paulus kabattuanna Silas siagang Timotius ri Atena, si'nami atinna anciniki anjo kotaya lanri jaina barhala anjoreng.

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

ROMA 14:18

Inai-nai kamma anjo batena allayani mae ri Almasi, iami lanikarannuang ri atinNa Allata'ala, kammayatompa nipakalompo ri sikamma tau maraenga.

ROMA 3:5

Mingka punna pila' a'nyatamo kaadelanNa Allata'ala, lanri nigaukanna apa-apa tenaya nannaba, apami lanikana? Angkanaya tena Naadele' Allata'ala punna Nahukkungki'? (Memang siratangi anne pakkuta'nang kammaya situru' pikkirang linota.)

1 KORINTUS 12:25

Lanri kammana, tenamo nasanrapang ta'bage-bage anjo tubua; massing sijampangimi anjo anggota tubua.

1 KORINTUS 5:2

Mingka manna nakamma, ero' ijako tuli attampo-tampo. Sikontutojenna, musti si'nai nyawanu siagang musti nupassuluki anjo tau a'gau' kammaya battu ri alla'nu.

2 KORINTUS 13:7

Appala' doangki' mae ri Allata'ala sollannu Natulung, natena nugaukangi salaya. Teai lanri erotta ampappicinikangi angkanaya ikambe anne tau cara'dekki' anjama-jama. Mingka sollanna nugaukang ero'Na Allata'ala – manna nakamma nucini' tena wassele' jama-jamanna ikambe. Tena nangngapa-apa!

2 KORINTUS 2:6

Anjo tau kammaya angganna'mi hukkungang nagappaya ri tangnga-tangnganu.

2 KORINTUS 6:4

Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

2 KORINTUS 7:7

Teai lanri battuna bawang Titus nanisaleori atinna ikambe; mingka lanri napauna todong antekamma nisaleorinna pa'mai'na lanri ikau ngaseng. Napabattui mae ri kambe angkanaya teai sipato' nakku'nu ngaseng ero' angngaganga' assicini'; angkanaya assesse' lalang mako ri panggaukannu riolo, nanuero'mo angngaganga' sipammentengang. Iaminjo pila' ampakarannui atingku.

2 KORINTUS 7:9

Mingka kamma-kamma anne sannamma' – teai lanri si'nami pa'mai'nu, passangalinna lanri amminranamo sipa'nu passabakkang si'nana pa'mai'nu. Memang, Nakellai memang tongi Allata'ala sollanna nukasia' anjo si'na kammaya. Jari tena nakipa'jari rugiko.

2 KORINTUS 9:2

Kuassengi angkanaya nungai annulunga; na anne le'ba'mi kucarita mae ri taua ri butta Makedonia. Le'ba'mi kupau kalompoang pa'maikku mae ri ke'nanga angkanaya battu ri taung allaloaji nasadiamo sari'battanga ri butta Akhaya assare sumbangang. Na iaminjo sumanga'nu ampakalompo tongi sumanga'na ke'nanga.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

1 TIMOTIUS 5:20

Inai-nai a'gau' dosa, musti nipakaingaki ri dallekanna sikontu jama'aka, sollanna a'jari malla' maraengannaya.

2 TIMOTIUS 2:15

Paralluko attojeng-tojeng appattujuang sollanna Naakuiko Allata'ala angkanaya ma'nassa tau siratang memang tongko anjama untu' Allata'ala. Usahako sollanna tena nu'jari siri'-siri' passabakkang jama-jamannu; passangalinna pangngajarrangi baji'-baji' sikamma pangngajarang tojeng battua ri Allata'ala.

TITUS 3:8

Sanna' kontutojenna anne bicaraya. Kukellaiko ampakasingara' tojeng-tojengi yangasenna anne, sollanna akkulle usaha tojeng-tojeng sikamma tau tappaka mae ri Allata'ala, untu' anggaukangi jama-jamang bajika siagang a'matu-matua untu' yangasenna taua.

IBRANI 4:1

Anjo janjinNa Allata'ala napajappa iji, na laNasareki' tampa' untu' pammari-mariang Napa'janjianga. Jari paralluki' tutu sollanna tena manna sitau battu ri kau ngaseng talanggappayai anjo pammari-mariang nipa'janjianga.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.

YUDAS 1:23

Besoki assulu' tau sanrapang lalanga ri pepeka sollanna salama' ke'nanga. Mae ri tau maraenganga, parallui nupa'nyata pangngamaseannu nirurunganga siagang malla'; mingka kabirisi ba'lalo pakeang ra'masa'na ke'nanga napakamma kaerokang dorakana ke'nanga.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.