2 KORINTUS 6:7 - KITTA' MATANGKASA'

⁷ lalang koasaNa Allata'ala nanibirittakang kabara' battua ri Allata'ala; na lanri kammanami anjo nanapappicinikammo ikambe angkanaya ikambe anne ma'nassa atanNaki' Allata'ala. Anna'gala' jarre' maki' mae ri ero'Na Allata'ala. Iaminjo a'jari kagassinganna ikambe untu' langngewa yareka lanjagai kalenta punna battu mae musu lammanrakia.

2 KORINTUS 6:7 ပူးပေါင်းရင်းမြစ်များ

PAMMUJI 119:43

Kitulunga' untu' tulusu' ampaui annabaya, saba' manrannuanga' mae ri kaputusanTa.

KALAPPASSANG 14:22

Ta'bage ruami je'neka, siagang ri wattunna a'limbang tu Israel ri anjo tamparanga, a'jappami ke'nanga ri butta kalotoroka, nampa anjo je'ne' niaka ri sa'ri kananna siagang kairinna rapangi tembo' ammenteng nai'.

PANGNGEBARANG 3:16

Kacara'dekanga nasareko umuru' la'bu, kakalumanynyangngang siagang kala'birang.

YESAYA 11:5

Adeleki siagang majarreki angngalle tindakang lalang sikamma apa-apaya.

YESAYA 59:17

Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.

MARKUS 16:20

A'lampami ana'-ana' gurunNa ampa'la'bangi biritta battua ri Allata'ala, mange ri kere-keremae. Na nirurungammo ri Allata'ala lalang jama-jamanna ke'nanga. Siagang napa'buttimi angkanaya ma'nassa tojengi anjo biritta napabattua ke'nanga, lanri gau'-gau' appakalannasaka napappicinikanga ke'nanga. [

LAMPA-LAMPANA 11:21

Niaki koasaNa Batara anrurungangi ke'nanga, sa'genna jaimi tau a'jari tappa', nanapassareang kalenna mae ri Batara.

1 KORINTUS 1:24

Mingka untu' sikamma tau le'bakamo nikio' ri Allata'ala – baji' tu Yahudi yareka bansa-bansa maraenga – iami a'jari pammatei ri butti Napa'nyatana kakoasanNa siagang kabajikanNa Allata'ala.

2 KORINTUS 13:4

Memang, ri wattunna nisalli' lammai; mingka kamma-kamma anne attallasa' poleammi lanri kakoasanNa Allata'ala. Ikambe tulamma tonjaki' lalang assileo'na katallassanta siagang Almasi; mingka punna sidallekangki' siagang ikau ngaseng, a'jari majarre' tommaki' lanri koasaNa Allata'ala.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.

2 KORINTUS 7:14

Memang, le'ba'mi kucarita mae ri ia antekamma baji'nu ngaseng. Sukkuru'ma', lanri tenaja nanupakasirika'. Ma'nassa kontutojeng ngasengi anjo apa-apa le'baka nacarita ikambe mae ri kau ngaseng. Kammayatompa anjo apa-apa le'baka nacarita ikambe mae ri Titus ma'nassa kontutojeng ngasengi.

EFESUS 1:13

Ikau ngaseng, a'jari tommako umma'Na Allata'ala ri wattunna nulangngere' pasanNa Allata'ala, iamintu Kabara' Baji' assareako kasalamakkang. Tappakko mae ri Isa Almasi iaminjo naNasareko pammatei Allata'ala ma'nassana taunNako, iamintu RohNa, le'baka Napa'janjiang.

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.

EFESUS 4:21

Le'ba'mi nulangngere' kabara' battua ri KalenNa! Salaku tau amminawanga ri Ia, le'ba' tommako niajara' ri passala' katojengang sipa'-sipa'Na Allata'ala niaka ri KalenNa!

KOLOSE 1:5

Tappa' mako siagang mangngamaseang mako, nasaba' nurannuammi apa Napasadiaya Allata'ala ri suruga untu' ikau. Le'ba'mi nulangngere' anjo kabaraka, ri wattunna nipabattu Kabara' Baji' tojenga battua ri Allata'ala mae ri kau.

1 TESALONIKA 5:8

Mingka ikatte anne tau lalangki' ri singaraka, antamaya ri golongang allo masingaraka; lanri kammana parallui a'jari singara' pikkiranta. Paralluki' tuli tappa' mae ri Batara, tuli mangngamaseang ri paranta tau, kammayatompa tuli majarre' panrannuanta mae ri Allata'ala, eroka ampasalamakki'. Iaminjo sanjatata untu' alla'langi kalenta siagang angngewai kaja'dallanga.

2 TIMOTIUS 2:15

Paralluko attojeng-tojeng appattujuang sollanna Naakuiko Allata'ala angkanaya ma'nassa tau siratang memang tongko anjama untu' Allata'ala. Usahako sollanna tena nu'jari siri'-siri' passabakkang jama-jamannu; passangalinna pangngajarrangi baji'-baji' sikamma pangngajarang tojeng battua ri Allata'ala.

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.