2 KORINTUS 6:5 - KITTA' MATANGKASA'

⁵ nisessa maki', nitarungku maki', siagang niborongi maki' niba'ji; anjama terasa' maki', masarro maki' tattinroa, kammayatompa masarro tommaki' tamangnganrea.

2 KORINTUS 6:5 ပူးပေါင်းရင်းမြစ်များ

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

YESAYA 53:5

Mingka nilokoki lanri dosa-dosata ngaseng, nisessai passabakkang kaja'dallanta. Ia nihukkung sollanna ikatte nipasalama', lanri bokka' bate cambo' nakasiaka nakinipammolle.

YEREMIA 33:1

Ri wattungku nitahang ija ri paranglakkenga, anggappa' pasang maraeng battu ri Batara,

YEREMIA 38:6

Nampa naallea' ke'nanga siagang napanaunga' siagang otere' antama' ri bungunna Malkia ana' bura'nena karaenga, niaka lalang ri paranglakkenna balla' karaenga. Tena je'ne'na anjo bungunga, poro peo'ji bawang lalang; nakuantama'mo ri peoka anjo.

YEHEZKIEL 3:17

“He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pappakainga' Kupassareanga.

MATIUS 14:10

Nasuromi taua mange ri tarungkua, mange ansamballei kallonna Yohanes.

MATIUS 14:3

Nasaba' le'baki pirangalloang nasuro jakkala' Herodes anjo Yohanes, nampa nasikko' na napantama' ri tarungkua. Passabakkang bainenna niarenga Herodias nanajakkala'. Na anjo Herodias, le'ba' bainenna sari'battanna iamintu niarenga Filipus, naalle nabuntingi Herodes.

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

LAMPA-LAMPANA 13:3

Le'baki appuasa siagang appala' doang ke'nanga, napadongko'mi limanna ke'nanga irateanganna Barnabas siagang Saulus, nampa nabarakkaki nanasuro ke'nanga sipa'rua a'lampa.

LAMPA-LAMPANA 14:19

Nia'mo siapa are tu Yahudi battu ri Antiokhia ri daera Pisidia siagang battu ri Ikonium mange ri Listra. Napangaruimi tau jaia sa'genna ammenteng mae ri ke'nanga tau jaia. Nasambilami ke'nanga batu Paulus nampa nare'resang assulu' ri pantarangang kota. Nakapangi ke'nanga angkana matemi Paulus.

LAMPA-LAMPANA 14:23

Nampa naangka'mo Paulus siagang Barnabas pamimping-pamimpinga ri massing-masinna anjo jama'aka. Nampa appala' doang siagang appuasa ke'nanga, nanapassareang ke'nanga anjo pamimping-pamimping jama'aka mae ri Batara napatappaka ke'nanga.

LAMPA-LAMPANA 17:5

Mingka assereatimi tu Yahudia. Nakio'mi ke'nanga tau ja'dalaka siagang pasolle' tenaya jama-jamanna, nampa a'rappungang ke'nanga ero' apparicu. Apparicumi ke'nanga ri kota-kotaya; nampa namangei balla'na se'rea tau tappa' niarenga Yason, ero' amboyai Paulus siagang Silas, kaeroki ke'nanga angngerangi Paulus siagang Silas assulu', ri dallekanna tau jaia.

LAMPA-LAMPANA 20:31

Lanri kammana, paralluko a'jaga-jaga! U'rangi angkanaya tallun taungi salloku tammari-maria angngajarakko allo bangngi, siagang jaimi je'ne' matangku ammatti' lalang kugaukanna anjo jama-jamanga.

LAMPA-LAMPANA 23:10

Pila' sanna'mi ricuna anjo pa'geakkanga, sa'genna malla'mi anjo komandang pasukanga, nakana gassingka niborongi Paulus ri ke'nanga. Jari nasuromi pasukanna mange angngallei Paulus battu ri tangnga-tangngana anjo tau jaia, nampa naerang mange ri kantoro' tantaraya.

LAMPA-LAMPANA 23:35

nakanamo, “Baji'mi! Lakuparessai anne parkaranu punna battumo mae anrinni anjo tau antuduako.” Le'baki anjo nasuro tahammi Paulus lalang ri balla' lompona Herodes.

LAMPA-LAMPANA 24:27

Ruan taungi sallona, nisambeammi Feliks ri Perkius Festus a'jari Guburnur. Na lanri ero'na Feliks angngallei pa'mai'na tu Yahudia, natahang tulimi Paulus lalang ri tarungkua.

LAMPA-LAMPANA 26:10

Na memang iaminjo le'baka kugaukang ri Yerusalem. Lanri sura' koasa battu ri imang-imang kapalaya, jai sikalimi tau jarre' tappa'na ri Allata'ala le'ba' kupantama' ri tarungkua. Ba'lalo, kusitujui tongi sollanna nihukkung mate ke'nanga.

LAMPA-LAMPANA 26:29

Appialimi Paulus nakana, “Ri wattu silalonna yareka lalang wattu salloa, appala' doanga' mae ri Allata'ala sollanna ikatte siagang sikamma tau hadereka appilangngeri anne alloa, akkulle ngasengki' ajari sangkamma inakke – pantaranganna anne rante assikkoka'!”

LAMPA-LAMPANA 28:30

Ruan taungi sallona ammantang Paulus ri Roma, ri balla' nasewaya kalenna. Sannang sikali nyawana antarimai sikamma tau niaka battu angkunjungi.

LAMPA-LAMPANA 5:18

Nijakkala'mi anjo sikamma tunisuroNa Allata'ala nampa nipantama' ri tarungku lompoa.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

1 KORINTUS 4:11

Sa'genna kamma-kamma anne nakasia'mi ikambe nikanaya cipuru' siagang atturere; care-carena ikambe ia mami ammantang niaka ri kalenna ikambe; nisessa maki' ri taua; tenamo tampa' pammantanganna ikambe;

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

2 KORINTUS 11:27

Sitangnga matea' akkareso: a'mole-molea' tattinroa, tangnganrea, tangnginunga; a'mole-molea' naalle cipuru', naalle dinging lanri kuranna care-careku siagang tenana pammantangangku.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

PAOLE 25:3

mingka takkulleai la'bi ri pimpatampuloa paccambo'. Punna la'bi, battuanna nihinami anjo taua ri dallekanna tau jaia.

FILIPI 1:13

Passabakkang kammaminjo nanaasseng ngasemmo pangawala'na balla' karaenga siagang tau maraengannaya anrinni ri kotaya, angkanaya passabakkang a'jari palayangku mae ri Almasi nanitarungkua'.

1 TESALONIKA 2:9

Tantu nuu'rangi ngasengiji antekamma terasa'na usaha siagang barjuang ikambe. Allo bangngi anjama ikambe sollanna tena manna sitau ri kau nisusai ri kambe, ri wattunna napa'la'bang ikambe anjo Kabara' Baji' battua ri Allata'ala mae ri kau.

1 TIMOTIUS 4:10

Iaminjo saba'na kippattujuang siagang anjama terasa', lanri manrannuang tojeng-tojengki' mae ri Allata'ala mattallasaka; Iami Batara Mappasalama'na sikontu rupataua, la'biangampa pole mae ri sikamma tau tappaka.

2 TIMOTIUS 1:8

Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

IBRANI 13:23

Parallui nuasseng angkanaya nilappassammi sari'battanta Timotius battu ri tarungkua. Punna battu sallang anrinni ri tampakku, kuerang tonji antu sallang battu angkunjungiko.

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.