2 KORINTUS 6:4 - KITTA' MATANGKASA'

⁴ Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

2 KORINTUS 6:4 ပူးပေါင်းရင်းမြစ်များ

YESAYA 61:6

Lanigallarakko atanNa Allata'ala siagang niarengko imanNa Batarata. Lanukasiaki kakalumanynyanganna bansa-bansaya na lompo pa'mai'nu lanri barang-baranna ke'nanga.

YO"EL 1:9

Tenami gandunga siagang anggoroka lalang ri Balla'Na Batara. Nasusa rapang tukamateammo sikamma imanga tamamminraya allayani Batara.

YO"EL 2:17

Suroi sikamma imanga allayani Batara, angngarru' ri alla'na tampa' pakkoro'bangnganga siagang ri tampa' pattiro-tiroang ri dallekanga, na angkana, “Kisayang laloi ummatTa, o Batara; teaKi' lappassangi taunTa nicalla,” sa'genna appiandere' bansa-bansa maraenga siagang angkana, “Kemaeji Allata'alana ke'nanga?”

LUKAS 21:19

Punna sa'barakko siagang attahangko, lanipasalamakko.”

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

LAMPA-LAMPANA 20:34

Ikau ngaseng tonji angngassengi angkanaya battu ri posoku tonji anjama nakkulle kututuki kaparalluang allo-alloku siagang sikamma tau amminawang ri nakke.

LAMPA-LAMPANA 9:16

Siagang KalengKu ero' ampicinikiangi sikamma kapa'risang musti lanakasiaka passabakkang iNakke.”

ROMA 14:18

Inai-nai kamma anjo batena allayani mae ri Almasi, iami lanikarannuang ri atinNa Allata'ala, kammayatompa nipakalompo ri sikamma tau maraenga.

ROMA 16:10

Sallangku mae ri Apeles. A'buttimi tamalanrena mae ri Almasi. Sallangku todong mae ri Aristobulus sibatu balla',

ROMA 3:5

Mingka punna pila' a'nyatamo kaadelanNa Allata'ala, lanri nigaukanna apa-apa tenaya nannaba, apami lanikana? Angkanaya tena Naadele' Allata'ala punna Nahukkungki'? (Memang siratangi anne pakkuta'nang kammaya situru' pikkirang linota.)

ROMA 5:8

Mingka Napappicinikammi pangngamaseanNa Allata'ala mae ri katte, iamintu ri wattu ero'Na Isa Almasi angkamateangki' ri wattunta doraka ngasengija!

1 KORINTUS 3:5

Sikontutojenna inai anjo Apolos? Siagang inai anjo Paulus? Ikambe anne poro palayanNa jaki' bawang Allata'ala, ia le'baka ampimpingko sollannu tappa' mae ri Almasi. Ikambe poro nigaukannaji bawang jama-jamang Napassuroanga Batara mae ri kambe.

1 KORINTUS 4:1

Alle rapammi angkanaya ikambe anne palayang-palayanNaki' Almasi; ikambemi nisare tugasa' ambirittakangi sikamma rancanaNa Allata'ala, tenayapa naassengi anne linoa.

1 KORINTUS 9:11

Jari ikambe anne le'ba' maki' sanrapang appakioro' bine rohani ilalang ri katallassannu ngaseng. Na punna anggappa ikambe barakka' pa'barang-barangang battua ri kau ngaseng, maka nukana jai dudumi natuntu' ikambe battu ri kau ngaseng?

2 KORINTUS 11:23

PalayanNai Almasi ke'nanga? Kammama' kapang nilangngere' tau kala'busang akkala'; mingka inakke palayang memanga', iamintu palayang bajikanganga na yangasenna anjo ke'nanga! Inakke terassangangi bateku anjama. A'mole-moleanganga' nipantama' ri tarungkua. Jaiangangi passessa kukasia' siagang a'mole-molema' sike'de' mate.

2 KORINTUS 11:27

Sitangnga matea' akkareso: a'mole-molea' tattinroa, tangnganrea, tangnginunga; a'mole-molea' naalle cipuru', naalle dinging lanri kuranna care-careku siagang tenana pammantangangku.

2 KORINTUS 11:9

Punna kakuranganga' anjo wattua, tena le'bakai nia' tau battu ri kau kususai manna sitau. Sikamma apa-apa kuparalluanga napa'ganna' ngasengi sari'battang battua ri jama'ah Makedonia. Kukatutui sollanna tena nakususaiko, manna na passala' kaparalluang apa-apa mamo. Na tuli kukatutuina anjo kammaya.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

2 KORINTUS 12:12

Le'ba'mi kupappicinikang mae ri kau siagang sa'bara' sikamma gau' appakalannasaka siagang gau' malompoa, yareka jama-jamang sannaka lompona; sollanna a'buttimo mae ri kau angkanaya inakke ma'nassa tunisuroNa' Allata'ala.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 3:6

Iami assarei pakkulle ikambe a'jari palayang untu' parjanjiang berua; iamintu parjanjiang tatta'galaka ri RohNa Allata'ala, jari teai ri hukkung tattulisika. Nasaba' anjo tattulisika angngerangi kamateang, mingka anjo RohNa Allata'ala angngerangi katallassang.

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.

2 KORINTUS 4:8

Sanrapang nibundukimi ikambe battu ri kere-keremae, mingka tena nakasepekang ikambe. Kala'busang akkala' maki', mingka tena nitappu' panrannuang.

2 KORINTUS 7:11

Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

1 TESALONIKA 3:7

Iaminjo saba'na, sikamma sari'battangku ngaseng, nailalang sikontu kasusaanna siagang kasessanna ikambe, anggappa maki' panynyaleori lanri biritta battua ri kau ngaseng. Tappa'nu ngasemmi mae ri Almasi ampakalompoi pa'mai'na ikambe;

1 TESALONIKA 5:14

Kipala' tongi mae ri kau ngaseng sari'battang, sollanna nupakainga' siagang kana-kana baji' tau tenaya naero' anjama lalang ri katallassanna. Pakalompoi pa'mai'na tau la'ba pa'maika; tulungi tau tenaya pakkullena, siagang sa'barakko mae ri yangasenna taua.

1 TIMOTIUS 2:15

Mingka manna nakamma, lanipasalamaki tubainea lalang allassukanna ana', assala' napakatunai kalenna natuli tappa' mae ri Almasi, siagang tuli nakamaseangi paranna tau, kammayatompa napassareang katallassanna mae ri Allata'ala bawang.

1 TIMOTIUS 4:6

Punna nupangngajarrang baji'mo yangasenna anjo mae ri parannu tau tappa', a'jari palayanNa mako Isa Almasi, siagang nugaukang baji'mi jama-jamannu. Siagang parallui pila' nupattimbo pa'mai'nu siagang kana nipatappaka battu ri Allata'ala, siagang pangngajarang katojengang nupinawangamo siapa sallona ri kamma-kammaya anne.

1 TIMOTIUS 6:11

Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

2 TIMOTIUS 1:8

Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

2 TIMOTIUS 2:24

Inai-nai anjama-jama untu' Batara tasiratangai a'besere'; musti sombereki mae ri yangasenna taua, siagang akkullei naajara' taua siagang baji' na sa'bara'.

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.