2 KORINTUS 6:14 - KITTA' MATANGKASA'

¹⁴ Teako eroki sipa'rappungang siagang tau tenaya naero' tappa' mae ri Isa; tena nacoco' anjo kammaya. Antekamma olona lakkulle a'jari se're kabajikanga siagang kaja'dallanga? Tena olona lakkulle a'jari se're singaraka siagang sassanga.

2 KORINTUS 6:14 ပူးပေါင်းရင်းမြစ်များ

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

1 KARAENG-KARAENG 18:21

Nampa nareppesi Elia anjo ra'yaka na nakana, “Sa'ge kemaepi ero'nu a'rua nyawa? Punna Batara, Batara musti nusomba. Punna anjo Baal Allata'ala, iami nusomba.” Anjo ra'ya' niaka a'rappungang, tena nia' akkana.

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

EZRA 10:19

A'janjimi ke'nanga lantallaki bainenna ke'nanga, nampa assare passare gimbala' laki untu' koro'bang pammopporang dosana ke'nanga.

PAMMUJI 106:35

Ba'lalo sibengkoro'mi ke'nanga siagang anjo bansa-bansaya, na naturuki cara tallasa'na tau tenaya naassengi Allata'ala.

PAMMUJI 119:63

A'bela-bela' siagang sikontu tau mappilangngeria, sikontu tau anggaukangai parentaTa.

PAMMUJI 16:3

Kupakalompoi sikamma tu matangkasaka ri anne pa'rasanganga; pangngaingku iamintu ammantanga siagang ke'nanga.

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

PANGNGEBARANG 22:24

Teako sileporangi siagang tau nangaia larro siagang tau lintaka bambang cera'na.

PANGNGEBARANG 29:27

Tau bajika tena nasannang mae ri ja'dalaka; tau ja'dalaka nakabirisi tau bajika.

KAIMANGNGANG 19:19

Mannurukiko ri parenta-parentaKu. Teako appa'buntingi olo'-olo' tenaya nasangkamma. Teako a'lamungi ruang rupa lamungang ri se'rea butta. Teako ammakei pakeang battu ri ruang rupaya bannang nitannung.

MALEAKHI 2:11

Nadakkaimi umma' Yehuda parjanjianNa Allata'ala siagang ke'nanga siagang nagaukammi apa appakaringi'-ringika ri Yerusalem siagang ri sikontu pa'rasanganga. Nara'massimi ke'nanga Balla'Na Batara Nakarimangngia, siagang a'nikkami ke'nanga siagang bai'-baine anynyombaya ri rewata-rewatana bansa maraenga.

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

LAMPA-LAMPANA 4:23

Ri wattunna nilappassammo Petrus siagang Yohanes, ammotere'mi ke'nanga mae ri agang-aganna ke'nanga. Nacaritami ke'nanga sikontu apa le'baka napau imang-imang kapalaya siagang pamimping-pamimpinna tu Yahudia mae ri ke'nanga.

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

1 KORINTUS 5:9

Kupaumi lalang ri surakku allaloa, sollanna tena nanuassileo' siagang tau nangaia a'gau' bawang.

1 KORINTUS 6:6

Mingka angngapa nania' ri kau mange antuntuki paranna tu Karisteng ri dallekanna tu tenaya na Karisteng?

1 KORINTUS 7:39

Inai-nai baine le'ba' a'bunting, tassikkoki anjo bainea mae ri bura'nenna lalang attallasa'na anjo bura'nenna. Punna matemo anjo bura'nenna, ta'lappasa'mi anjo bainea. Akkullemi a'bunting poleang siagang bura'ne nakaerokia, assala' a'bunting cara tu Karistengi.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.